web counter
LEXO PA REKLAMA!

SHKARKO APP

App Store
Google Play

Korreshi: Spitali i Lushnjës i rrënuar dhe pa aparatura, pacientët trajtohen në korridor

13 Shkurt 2026, 15:32, Politikë CNA

Deputeti i Partisë Demokratike, Saimir Korreshi, ka denoncuar këtë të premte kushtet në spitalin e Lushnjës.

Korreshi ka theksuar se pavarësisht se ky spital u shërben 250 mijë banorëve, jo vetëm të Lushnjës e Divjakës, por edhe zonave të Belshit, Rrogozhinës dhe Peqinit, ndodhet në gjendje alarmante.

Sipas Korreshit, mungesa e aparaturave, ulja e buxhetit, lëvizja prej 6 muajsh e urgjencës dhe vendosja në katin e parë të maternitetit në kushte ku shumica e pacientëve marrin shërbim në korridor si dhe probleme të tjera, është e pafalshme dhe krijon kaos.

 “Sot situata është dramatike. Pamjet flasin vetë, le të vijnë dhe ta shohin vetë. Së pari, duhet ndryshuar statusi i spitalit nga bashkiak në rajonal, që të ketë më shumë investime dhe buxhet. Diferenca është rreth 150 milionë lekë. Analizat ia kanë dhënë privatit, duke e degraduar qytetin. Nuk ka as medikamente; ky ka qenë një spital i jashtëzakonshëm, kanë ardhur pacientë nga të gjitha zonat, rreth 250 mijë njerëz. Por sot, që flasim, nuk ka asnjë pajisje që funksionon. Mamografia është gjithmonë e prishur, skaneri po ashtu, aparaturat e urgjencës nuk funksionojnë, dhe madje çdo gjë që del jashtë, hyn sërish brenda, mos o Zot ndodh diçka. Edhe aparatura e ekos është financuar nga një bankë. Te Gjinekologjia nuk ka aparatura; nëse flisni me gjinekologët, do mësoni se çfarë ndodh atje. Nuk po flas më për kushtet, që janë dramatike, jo vetëm për mungesën e mjeteve. Spitalet private përfitojnë nga lekët e shqiptarëve; të gjithë e dinë që pacientët e Lushnjës shkojnë për analiza në Tiranë”,-u shpreh deputeti./CNA





Lajmet e fundit nga