web counter
LEXO PA REKLAMA!

SHKARKO APP

App Store
Google Play

"Pavarësia nuk mund të kuptohet pa llogaridhënie"/ Lamallari: Ta vendosim drejtësinë shqiptare në nivel europian

12 Shkurt 2026, 11:09, Politikë CNA

"Pavarësia nuk mund të kuptohet pa llogaridhënie"/

Ministri i Drejtësisë, Besfort Lamallari, ishte i pranishëm në prezantimin e programit për konkursin ndërkombëtar të Qendrës së Drejtësisë.

Në fjalën e mbajtur, Lamallari tha se pavarësia e Gjyqësorit nuk mund të kuptohet pa llogaridhënie. Lamallari u ndal sërish te zvarritja e proceseve, ku tha se nuk duhet të pritet pafund për një vendim që prek jetën apo pronën e tjetrit.

Detyra e qeverisë, u shpreh Lamallari, është të kthejë në realitet pritshmëritë e qytetarëve.

Ministri deklaroi se reformat në drejtësi nuk po bëhen vetëm për këtë mandat, por për Shqipërinë e së ardhmes, për ta vendosur drejtësinë shqiptare në nivel europian.

 

“Pavarësia nuk mund të kuptohet pa llogaridhënie. Përgjegjshmëria dhe efektiviteti janë parakushtet e një sistemi, nuk janë thjesht porta hyrëse në një sistem. Një sistem gjyqësor është po aq i pavarur sa i drejtë, këto janë parimet e një sistemi. Të mos presin pa fund për një vendim që prek jetën apo pronën e tjetrit. Detyra jonë është të kthejmë pritshmërinë e qytetarëve në realitet.

Drejtësia nuk është vetëm për këtë mandat apo për këtë brez, është për Shqipërinë që duam të lëmë pas. Të vazhdojmë të reformojmë, për ta vendosur drejtësinë shqiptare në nivel europian”, tha Lamallari./CNA





Lajmet e fundit nga