web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Kikia për CNA: Tërhoqi vëmendjen e faktorit ndërkombëtar

11 Shkurt 2026, 17:16, Politikë CNA

Protesta e opozitës/ Kikia për CNA: Tërhoqi vëmendjen e

Analisti dhe gazetari Mentor Kikia në një prononcim për CNA ka komentuar protestën e fundit të opozitës, të zhvilluar një ditë më parë para Kryeministrisë.

I pyetur se çfarë prodhoi kjo protestë, Kikia u shpreh se askush nuk mendon se me një apo disa protesta mund të rrëzohet qeveria, duke theksuar se as vetë kreu i PD-së Sali Berisha që ndjek këtë narrativë nuk e beson këtë por i duhet për të mbajtur të frymëzuar ndjekësit e tij.

Por sipas analistit kjo protestë pati një arritje, pasi tërhoqi vëmendjen e mediave ndërkombëtare të cilët në titujt e tyre e lidhnin protestën e opozitës me korrupsionin qeveritar.

Sipas Kikisë marrëdhëniet mazhorancë-opozitë tashmë kanë zbritur në “rrugë” dhe zgjidhja është në dorë të reagimit qytetar apo të revoltës.

“Askush nuk besoj se ka menduar që, me një apo edhe disa protesta, do të arrijë të rrëzojë një qeveri. As vetë Berisha që e përsërit këtë narrativë, nuk e beson por i duhet për të mbajtur të frymëzuar ndjekësit e tij.  Megjithatë, protesta është një mjet politik, edhe pse është në fakt mjeti i fundit për të bërë politikë. Si e tillë, ajo ka efektet e veta, derisa marrëdhëniet mazhorancë-opozitë tashmë kanë zbritur në “rrugë” dhe zgjidhja është në dorë të reagimit qytetar apo të revoltës siç e quan opozita. Si e tillë, ajo ndikon në mbajtjen ndezur të frymës së reagimit dhe kontestimit qytetar, dhe mbi të gjitha, nëse do të flasim për një arritje, ajo është tërheqja e vëmendjes së publikut të brendshëm por mbi të gjitha faktorit, diplomacisë dhe instituconeve ndërkombëtare. Imazhet e protestës se natës së 10 shkurtit dhe titujt “Protesta kundër qeverisë për shkak të korrupsionit”, u publikuan në disa prej mediave të më të mëdha dhe më të rëndësishme të botës”, ka deklaruar Kikia për CNA./ CNA





Lajmet e fundit nga