web counter
LEXO PA REKLAMA!

SHKARKO APP

App Store
Google Play

"Histori që përsëritet"/ Kikia për protestën e opozitës: Kishte vetëm një risi

10 Shkurt 2026, 22:37, Politikë CNA

"Histori që përsëritet"/ Kikia për protestën

Gazetari Mentor Kikia ka folur mbrëmjen e sotme lidhur me protestën e organizuar nga opozita.

Kikia u shpreh në një dalje televizive se e vetmja risi në këtë protestë ishte përpjekja e kreut të PD-së, Sali Berishës për të bashkuar elementin opozitar, duke i ftuar t’ju bashkohen protestave.

Lidhur me përplasjet dhe incidentet, gazetari u shpreh se gjithçka ishte e njëjtë me protestën e 24 janarit.

“Është një histori që përsëritet. Thjesht ndërrohen personazhet. Fjalimi i kryetarit të PD-së nuk sjell asnjë risi; ai thotë të njëjtat gjëra. E vetmja veçori kësaj here është përpjekja e Berishës për të bashkuar elementin opozitar. Pas dështimit të tryezës me faktorët opozitarë dhe në kushtet kur janë në zhvillim tratativat për një afrim me “Shqipëria Bëhet”, ende nuk është arritur një marrëveshje, për shkak të disa kushteve që Lapaj ka vendosur. Në këtë kontekst, Berisha u shfaq më i përulur, duke ftuar të gjithë që të bashkohen.

Të gjitha partitë kanë një kauzë primare: rrëzimin e qeverisë, pavarësisht se diferencat mes tyre janë të mëdha. Ai u sqaroi partitë e vogla se nuk do të humbin identitetin e tyre dhe se synimi është krijimi i një qeverie tranzitore, e cila do të përgatisë vendin për zgjedhje. Kjo ishte risia kryesore krahasuar me protestat e mëparshme. Sa i përket dhunës, prisja një nivel më të ulët. Tonet u duk se nuk ishin të njëjta me ato të protestës së 24 janarit”, u shpreh Kikia. /CNA





Lajmet e fundit nga