web counter
LEXO PA REKLAMA!

SHKARKO APP

App Store
Google Play

E fundit!

x

Referendum kundër ligjit "Për barazinë gjinore"?/ Debate në mbledhjen e KQZ-së

12 Janar 2026, 13:07, Politikë CNA

Referendum kundër ligjit "Për barazinë gjinore"?/

Këtë të hënë, në Komisionin Qendror të Zgjedhjeve po mbahet mbledhja për shqyrtimin e kërkesës për pajisjen me fletë tip për mbledhjen e nënshkrimeve për zhvillimin e referendumit të përgjithshëm për shfuqizimin e ligjit nr. 64, datë 06.11.2025 “Për barazinë gjinore”.

Mbledhja e sotme është shoqëruar me diskutime të gjata, që po vijojnë ende lidhur me çështjen, mes kryekomisionerit Ilirjan Celibashi dhe përfaqësuesve të pranishëm të kësaj nisme nga shoqëria civile.

Celibashi u shpreh se pyetja për alternativën referendate duhet riformuluar.

“Dikush që për arsye natyrore rritet vetëm nga nëna ose vetëm nga babai, do t'i duhet që nëna të gjejë edhe një baba, e kur është vetëm me babain të gjejë edhe nënën. Mendoj se duhet ta riformuloni. Kurse alternativa referendare duhet të ketë edhe si përgjigje 'jo'-në. Kërkoni të futet në referendum koncepti dhe jo mënyra se si do të përcaktohet te ligji. Mendoj se nga koncepti juridik ka nevojë për qartësim se të gjithë ne këtu e kuptojmë, por për qytetarin e thjeshtë jo. Jeni për ta përjashtuar edukimin seksual që në arsimin 9-vjeçar. Mos është si shumë?!”,-tha Celibashi.

Një nga përfaqësuesit e nismës u shpreh se në disa pika të këtij ligji ka disa të drejta të mohuara.

“Në momentin që dikush adoptohet nga dikush që nuk ka një identitet të qartë dhe nuk është as nënë e as baba, që nga kjo kërkesë i janë mohuar të drejta. Edukimi seksual ka sjellë informimin e parakohshëm. Kemi më shumë seks të pambrojtur dhe raste abortesh tani sesa në vitet më parë”, -tha përfaqësuesi./CNA





Lajmet e fundit nga