web counter
LEXO PA REKLAMA!

SHKARKO APP

App Store
Google Play

Rama, thirrje votuesve nga Greqia: Dorëzoni zarfet me vota për 11 majin

8 Maj 2025, 11:31, Politikë CNA

Rama, thirrje votuesve nga Greqia: Dorëzoni zarfet me vota për 11

Kryeministri Edi Rama ka ndarë sot një thirrje për të gjithë shqiptarët në diasporë që janë regjistruar për të votuar në zgjedhjet parlamentare të 11 majit. Nëpërmjet një videoje të postuar në rrjetet sociale, Rama u shpreh se ata nuk duhet ta lënë dorëzimin për moment të fundit. 

Rama tha se shqiptarët e regjistruar në zgjedhjet e 11 majit dhe që janë në Greqi, që s’kanë dorëzuar zarfet, të dorëzojnë zarfet në pikat përkatëse të postës së DHL-së.

Rama shtoi se 11 maji është takim me historinë, si edhe moment zgjedhjeje për t'i dhënë një fuqi të re Shqipërisë në negociatat me BE-në.

“Ditë fantastike në zonën e Vlorës, e jashtëzakonshme, një diell i bukur, dritë e bukur dhe zakonisht nuk kam nevojë për syze brenda në makinë, por është një dritë e bukur, por e fortë.

Ndërkohë që do të doja të rindërhyja për t’u dhënë një mesazh shqiptarëve të regjistruar në zgjedhjet e 11 majit dhe që janë në Greqi, që s’kanë dorëzuar zarfet, ju lutem zarfet dorëzojini në pikat përkatëse të postës së DHL-së.

Mos prisni, dorëzojini, mos i lini për moment të fundit, ka akoma edhe pak kohë, janë 48 orë, bëjeni edhe këtë mund të fundit. Sepse 11 maji është takim me historinë, si edhe moment zgjedhjeje për t'i dhënë një fuqi të re Shqipërisë në negociatat me BE-në”,-tha Rama./CNA





Lajmet e fundit nga