web counter
LEXO PA REKLAMA!

SHKARKO APP

App Store
Google Play

E fundit!

x

Rama shet Veliajn/ Tiranën do ta drejtojë Ogerta

13 Nëntor 2025, 08:45, Politikë CNA

Rama shet Veliajn/ Tiranën do ta drejtojë Ogerta

Kryeministri Edi Rama gjatë një takimi me banorët e Njësisë 5 në kryeqytet deklaroi se qeveria që ai drejton po mbështet Bashkinë e Tiranës. 

Rama tha se Veliaj është në pamundësi të ushtrimit të detyrës si kryetar bashkie pasi të gjitha shkallët e Gjyqësorit e lanë në qeli. Rama deklaroi se Kushtetuesja doli me vendim tjetër nga ai i shkarkimit dhe anuloi zgjedhjet për Tiranën, por tani duhet një zgjidhje.

Rama tha se që qyteti të funksionojë duhet t’i vendoset në dispozicion buxheti dhe për këtë arsye ka ngarkuar Ogerta Manastirliun për dëgjesat me banorët në lidhje me buxhetin e vitit 2026 duke qenë se është deputete dhe drejtuese politike e qarkut.

"Duke parë që të gjitha shkallët e gjyqit nuk e nxorën kryetarin e bashkisë që të bëjë detyrën ne menduam që Tirana nuk ka arsye të paguajë mungesën e drejtimit. Po bëjnë maksimumin ata që ndodhen në detyrë, por nuk është e njëjta gjë. Për këtë gjë menduam në respekt të plotë sipas ligjit, sipas nesh. Se Kushtetuta thotë dy gjëra të ndryshme për deputetin në mungesë pa arsye dhe për drejtuesin lokal. Për të zgjedhurin lokal nuk thotë pa arsye. Kushtetuesja doli me vendim tjetër nga i yni, nuk kam asnjë arsye të dyshoj. Tani duhet të zgjedhim, sepse e kanë thënë që kryetari është në pamundësi të ushtrojë detyrën, por nuk mund të bëhen zgjedhje. Atëherë jepini mundësinë të ushtrojë deytyrën. Të gjithë atyre që janë në këtë qytet, duhet që qyteti të funksionojë, buxheti të vendoset në dispozicion normalisht. Për këtë arsye po e mbështesim bashkinë që të bëjë më të mirën për buxhetin dhe për këtë arsye menduam me Ogertën si drejtuesja poltike e qarkut, por dhe si deputete e Tiranës që të vazhdojmë të komunikojmë në këto dëgjesa”, tha Rama.

Me këtë deklaratë kryeministri Edi Rama “shkarkon” edhe një herë Erion Veliajn./CNA

 

 

 





Lajmet e fundit nga