web counter
LEXO PA REKLAMA!

SHKARKO APP

App Store
Google Play

E fundit!

x

"Kushtetuta për drejtuesin lokal nuk thotë mungesë pa arsye"/ Rama flet për lënien në detyrë të Veliajt

12 Nëntor 2025, 17:04, Politikë CNA

"Kushtetuta për drejtuesin lokal nuk thotë mungesë pa

Kryeministri Edi Rama në dëgjesën e zhvilluar me banorët e njësisë 5 në Tiranë ka folur dhe për arrestimin e Erion Veliajt dhe vendimin e Gjykatës Kushtetuese.

Referuar vendimit të Kushtetueses për lënien në detyrë të Veliajt, Rama tha se Kushtetuta në rast mungese në detyrë parashikon dy gjëra të ndryshme për deputetin dhe të zgjedhurin lokal.

Sa i përket të zgjedhurit lokal, Rama tha se nuk e ka të përcaktuar në Kushtetutë nëse mungesa duhet me apo pa arsye.

Më tej, kryeministri tha se qeveria po mbështet bashkinë për të bërë më të mirën për buxhetin.

“Dëgjesat për bashkinë duhet t’i bënte kryetari. Ndërkohë kryetarin e kemi në burg pa gjyq. Ndërkohë jemi në paradoks. Kur kryetari u mor dhe u tërhoq për t’u futur në qeli si i paraburgosur, unë e thashë që kjo është disproporcoiponale. Çdo njeri në Shqipëri në çfarëdo pozicioni nëse duhet hetuar, duhet hetuar, por deri kur gjykata e nxjerr fajtor është i pafajshëm. Ama nuk diskutohet që nëse njeriun e merr e fund brenda dhe pastaj lëshohen të gjitha llojet e hienave dhe kllounëve mediatikë dhe politkë atëherë ndodh dënimi publik pastaj pjesa tjetër. Duke parë që të gjitha shkallët e gjyqit nuk e nxorën kryetarin e bashkisë që të bëjë detyrën ne menduam që Tirana nuk ka arsye të paguajë mungesën e drejtimit. Po bëjnë maksimumin ata që ndodhen në detyrë, por nuk është e njëjta gjë. Për këtë gjë menduam në respekt të plotë sipas ligjit, sipas nesh. Se Kushtetuta thotë dy gjëra të ndryshme për deputetin në mungesë pa arsye dhe për drejtuesin lokal. Për të zgjedhurin lokal nuk thotë pa arsye. Kushtetuesja doli me vendim tjetër nga i yni, nuk kam asnjë arsye të dyshoj. Tani duhet të zgjedhim, sepse e kanë thënë që kryetari është në pamundësi të ushtrojë detyrën, por nuk mund të bëhen zgjedhje. Atëherë jepini mundësinë të ushtrojë deytyrën. Të gjithë atyre që janë në këtë qytet, duhet që qyteti të funksionojë, buxheti të vendoset në dispozicion noramlisht. Për këtë arsye po e mbështsim bashkinë që të bëjë më të mirën për buxhetin dhe për këtë arsye menduam me Ogertën si drejtuesja poltike e qarkut, por dhe si deputete e Tiranës që të vazhdojmë të komunikojmë në këto dëgjesa”, tha Rama.





Lajmet e fundit nga