web counter
LEXO PA REKLAMA!

SHKARKO APP

App Store
Google Play

E fundit!

x

"Kanë humbur thellë e më thellë në çdo përballje dhe akoma se dinë pse"/ Rama ironizon opozitën

12 Nëntor 2025, 16:47, Politikë CNA

"Kanë humbur thellë e më thellë në çdo

Kryeministri Edi Rama ka qenë i pranishëm në dëgjesën publike për buxhetin të zhvilluar me banorët e njësisë 5 në Tiranë.

Në fjalën e mbajtur Rama u ndal te pensionet, ku tha se nuk është e vërtetë që do të rriten vetëm në janar. Gjithashtu kryeministri bëri me dije se do të indeksohen pensionet.

Rama tha se për rritjen dhe indeksimin e pensioneve do të shpenzohen ekstra 1.7 miliardë euro.

Sa i përket një mundësie për më shumë rritje, Rama e quajti romuze që vijnë nga dëshprimi i atyre që kanë humbur thellë e më thellë.

 

“Një pjesë jo e vogël e atyre që ne kemi marrë përsipër janë aty me fiaturën financiare ppërkatëse.  Pensionistët e kanë dëgjuar për një kohë të gjatë nga unë se sa e vështirë është t’u rriten pensionet. Nga ana tjetër është dhe kërkesa që ka peshën më të madhe në buxhet. Se disa thonë “po po ju rrisni pagat për vete”. Sikur t’i marrësh të gjitha pagat e deputetëve dhe t’i çosh deputetët në shtëpi, shuma që del shtë një pikë në oqean në krahasim me shumën që do të paguhet për pensionistët.

Pensionistët do të marrin bonusin që është marrë dhe që u është premtuar.  Çfarë do të merrni në janar të 2026, do të dysfishohet në janar të 2027. Dalin ca xhagajdurë dhe thonë Rama tha se pensionet do të rriten vetëm në janar. Pensioni do të indeksohet. Vetëm për indeksimin do të shpenzohet vit pas viti një shumë e konsiderueshme. Për indeksimin dhe rritjen e pensioneve do të shpenzohen ekstra 1.7 miliardë euro.

Romuzet sikur ka diku mundësi përtej kësaj vijnë nga injoranca, ligësia dhe dëshpërimi. Dëshpërimi i atyre që kanë humbur thellë e më thellë me çdo përballje me ne dhe akoma s’e kanë marrë vesh dhe nuk kanë për ta marrë vesh deri kur të vazhdojnë të nënvlerëosjnë dhe logjikën e thjeshtë të kujtdo që di të bëjë llogari dhe di se ç’është puna”, tha Rama./CNA

 

 





Lajmet e fundit nga