web counter
LEXO PA REKLAMA!

SHKARKO APP

App Store
Google Play

E fundit!

x

“Më shumë buxhet për mbrojtjen”/ Noka: Vihet në lojë dinjiteti i Shqipërisë para NATO-s

12 Nëntor 2025, 11:23, Politikë CNA

“Më shumë buxhet për mbrojtjen”/ Noka: Vihet në

Deputeti demokrat, Flamur Noka, kritikoi sot buxhetin e parashikuar për vitin 2026 për Ministrinë e Mbrojtjes, se është shumë më i ulët seç duhet për vendin, por edhe për kërkesat e NATO-s.

Në fjalën e tij në Komisionin për Çështjet e Brendshme dhe të Mbrojtjes, Noka u shpreh se Shqipërisë nuk i mjafton 1.55% e PBB-së për sigurinë dhe vendi duhet të shkojë para NATO-s me dinjitet.

“Ministria e Mbrojtjes është e një rëndësie të jashtëzakonshme, aq më tepër në kushtet e Shqipërisë, si anëtare e NATO-s. Kërkon ndërveprim, kontribut dhe përpjekje për sigurinë e përbashkët. Qeveria, me këtë buxhet, mashtron jo vetëm shqiptarët, por edhe NATO-n. Nuk është 2% i PBB-së. Mbrojtja merr 1.55%, pjesa tjetër është shëndetësia dhe administrata që fryhet. Nuk kishim avionët për të shuar zjarrin, pastaj u tha se nuk kemi pilotë. Ndërkohë që Shqipëria digjej, u la dhe po fikeshin zjarret me gjethe pemësh, si në epokën e gurit. Ky është buxheti real. Në letër është 2%, por nuk është zbatuar politika e NATO-s. Ju e dini shumë mirë se NATO ka avancuar me kërkesa, duke synuar 5% të buxhetit. Këtu luhet me klasifikime. Shqipëria duhet të shkojë në NATO me dinjitet”,-tha Noka./CNA  





Lajmet e fundit nga