web counter
LEXO PA REKLAMA!

SHKARKO APP

App Store
Google Play

E fundit!

x

“E shoh tragjike të ardhmen e PD-së”/ Sula: Opozita, asnjë takim në zona që pas 11 majit

12 Nëntor 2025, 17:52, Politikë CNA

“E shoh tragjike të ardhmen e PD-së”/ Sula: Opozita,

Ish-deputeti demokrat, Dashnor Sula deklaroi se e sheh si tragjike të ardhmen e Partisë Demokratike, që sipas tij është në rënie që nga prilli i vitit 2008.

I ftuar në A2 CNN, Sula u shpreh se që pas zgjedhjeve parlamentare të 11 majit, opozita nuk ka bërë asnjë takim në zona dhe asnjë lëvizje përballë politikës që prodhon mazhoranca.

“E shoh tragjike të ardhmen e PD-së. Kjo ka ndodhur në 21 prill 2008. Që nga atëherë ka filluar rënia e PD. Ne fitonim mandatet për shkak të figurave të forta politike që kishte e djathta. Çfarë figurash ke në PD që ngjallin shpresë? Kavaja është model për bashkitë e tjera. Pse në bashkitë e tjera jo se u zgjodh modeli i gabuar. Është vlerë dorëheqja e Leskajt.

Nuk ka njerëz më, nuk frymëzojnë më. Nuk kanë bërë një takim në zona pas 11 majit. Zero, asnjë takim, asnjë lëvizje, nuk është bërë asgjë. Lajme prodhon mazhoranca, opozita reagon. Si mund të rrijë opozitari pa debat. Politikanët e opozitës nuk përballen.

Që të jesh opozitar dhe të kesh makina të fundit, opozitë luksi. Në opozitë ose do hash dhe që t’u tregosh qytetarëve, jo se është keq pasuria, se nuk ke as biznes dhe ka makinë 100 mijë euro. Me rrogë deputeti e zyrtari pa biznes pa aktivitet prodhues.

Politika është imazhi si individ dhe si forcë politike. Nëse ke imazh të rrënuar dhe je i korruptuar, ti nuk frymëzon, se je sfidanti, sfidanti duhet të jetë i kulluar, ar, diamant e kundërta e kundërshtarit politik. Unë deri më sot jam i pakorruptuar. Kështu duhet të dalësh para qytetarëve”,-tha Sula./CNA





Lajmet e fundit nga