web counter
LEXO PA REKLAMA!

SHKARKO APP

App Store
Google Play

Rama për “The Observer”: Shqipëria mund ta ndihmojë BE-në të mbijetojë, mjafton të na jepni një vend në tryezë

18 Dhjetor 2025, 19:39, Politikë CNA

Rama për “The Observer”: Shqipëria mund ta ndihmojë

Kryeministri Edi Rama, në një intervistë për median e njohur britanike “The Observer”, u ndal gjerësisht te situata e BE-së, Europa dhe rrugëtimi i Shqiëprisë drejt integrimit.

Ndër të tjera, Rama është shprehur se Europa duhet të ndryshojë shpejt, e sipas tij, në këtë ndryshim duhet të jetë pjesë edhe Shqipëria, që përmes anëtarësimit mund ta ndohmojë Unionin të rigjejë ekuilibrin e humbur mes burokracisë dhe grindjeve të brendshme.

“Ka një errësirë në Evropë dhe nuk shoh rrugëdalje. Ka njerëz që përpiqen të bëjnë gjënë e duhur, por nuk shoh strategji. Të mendosh se problemi është diku tjetër nuk ndihmon. Është në Evropë. Jemi ne. Vetë Evropa është jashtë ekuilibri: burokracia e saj peshon më shumë se politika dhe grindjet e brendshme duken më të mëdha se horizonti i përbashkët.

Nëse veçon një komunitet, mund të presësh që anëtarët e atij komuniteti të lëndohen, të sulmohen, të plagosen, të rrihen. Ne e dimë nga historia se kështu ndodh. Kur hyn në garë me të djathtën ekstreme, humbet, sepse kur vjen puna për të zgjedhur kush është më i ashpër për çështje si migracioni, instinkti është të zgjedhësh origjinalin, jo kopjen. Mendon se mund të vallëzosh me djallin? Djalli fiton që në momentin që shkel në pistë.

Evropa duhet të ndryshojë dhe duhet të ndryshojë shpejt. Të gjithë e thonë, të gjithë janë të vetëdijshëm për këtë, dhe megjithatë të tjerët po ecin me një shpejtësi shumë më të madhe. Na fusni në Evropë dhe jam gati të nënshkruaj një marrëveshje ku të thuhet qartë se nuk duam të kemi fuqinë e vetos. Ne kurrë nuk do ta përdorim votën tonë kundër shumicës. As nuk duam komisionerin tonë.

Mund të bëjmë një marrëveshje me Italinë dhe komisioneri i Italisë të jetë komisioneri ynë. Jemi gati ta bëjmë këtë si garanci ndaj çdo frike se ndonjë tip i çmendur nga Ballkani do të hyjë në klub me fuqinë e vetos dhe do të fillojë të imponojë gjëra”,-tha Rama./CNA

 





Lajmet e fundit nga