web counter
LEXO PA REKLAMA!

SHKARKO APP

App Store
Google Play

Arsyet pse qytetarët duhet të dalin në protestë me 22 dhjetor

18 Dhjetor 2025, 19:24, Politikë CNA

Arsyet pse qytetarët duhet të dalin në protestë me 22

Deputeti i PD-së Belind Këlliçi ka zhvilluar një takim me banorët dhe bizneset e vogla në zonën e Don Boskos ku dhe ka renditur arsyet pse qytetarët duhet të dalin në protestën e së hënës.

Sipas Këlliçit, qytetarët duhet të dalin në protestë për arsye ekonomike, për sigurinë e familjes, për dinjitetin, për lirinë, për demokracinë, për votën e lirë.  

“Me banorët dhe bizneset e vogla të zonës së Don Boskos, në Njësinë nr.9, Tiranë.  Arsyet se përse qytetarët duhet të dalin në protestën e së hënës janë të pafundme:

Për arsye ekonomike.

Ekonomia jote dhe e familjes tënde sa vjen e rëndohet me inflacionin pa kontroll, rrogat në stanjacion dhe ndihmën sociale qesharake. Në të njëjtën kohë kur qeveria zhytet në luks, i lejon vetes të abuzojë me 190 milionë euro vetëm në tunelin e Llogarasë.

Për sigurinë tënde dhe të familjes tënde.

Raportet dhe mediat euro-amerikane thonë hapur atë që nën zë e pohojnë të gjithë: krimi ka akses në majat e pushtetit dhe ka dalë jashtë kontrollit, duke rrezikuar jetën dhe pronën e qytetarëve.

Për arsye të dinjitetit.

Asnjë shoqëri funksionale nuk mund të ngrihet mbi hajdutërinë e normalizuar. Në një kohë kur qytetari i thjeshtë përndiqet dhe kriminalizohet për çështjet më banale, klika afër kryeministrit mbrohet me forcë nga prangat e drejtësisë dhe ligjit.

Për lirinë.

Terrori ndaj administratës, kapja e mediave, e shoqërisë civile synojnë mbylljen e gojës, shpëlarjen e trurit dhe ndrydhjen e ndërgjegjes së lirë. A është neodiktatura trashëgimia që duam t’i lëmë brezave?

Për demokracinë.

Të gjitha më lart përmblidhen tek institucionet demokratike. Llogaridhënia, ndarja e pushteteve, parlamentarizmi.

Vota e lirë.

Kjo është pika kritike e historisë shqiptare ku demokracia duhet ruajtur nga tirani i fundit i Ballkanit.Të hënën, datë 22, ora 18:00, shihemi të gjithë në shesh”, shkruan Këlliçi./ CNA





Lajmet e fundit nga