web counter
LEXO PA REKLAMA!

SHKARKO APP

App Store
Google Play

E fundit!

x

Rama kritikon BE-në nga Luksemburgu/ “Është treguar e padrejtë ndaj nesh”

15 Tetor 2024, 11:43, Politikë CNA

Rama kritikon BE-në nga Luksemburgu/ “Është treguar e

Kryeministri Edi Rama në konferencën e përbashkët për shtyp me ministrin e Jashtëm hungarez  Peter Szijjarto dhe eurokomisionerin Oliver Varhelyi pas Konferencës së Dytë Ndërqeveritare Shqipëri-BE, nuk la pa bërë edhe disa kritika për BE-në, pasi sipas kreut të qeverisë ishte treguar e padrejtë me Shqipërinë. Ai shtoi se anëtarësimi i Shqipërisë në Bashkimin Europian është çështje jetë a vdekje për shqiptarët.

“Tre herë u poshtëruam njëra pas tjetrës. Ishim gati, KE tha jemi gati dhe pastaj dinamika siç e përmendi Peteri pas dyerve të mbyllura, ishin të tilla që tre herë ne u poshtëruam. Por ajo që s’të vret të bën më të fortë e ka thënë një filozof gjerman. Kështu që ne kemi dalë më të fortë dhe ja ku jemi. E dimë që rruga përpara është e gjatë dhe zakonet e vjetra nuk ikin kollaj dhe rruga mund të shndërrohet sërish në rrugë me pengesa por për ne nuk ka rrugë tjetër, nuk ka të ardhme. Të gjithë duhet ta kuptojnë se kur shqiptarët bien në dashuri nuk i ndal dot kush”, u shpreh Rama.

Rama foli me nota pozitive për reformën në drejtësi, ndërsa theksoi se Shqipëria ka bërë një reformë që nuk e ka bërë asnjë shtet tjetër i BE-së përpara se të anëtarësohej. 

Rama, në fjalën e tij, përsëriti se u desh agresioni i Rusisë në Ukrainë që Bashkimi Europian të kuptonte rëndësinë e Ballkanit Perëndimor./ CNA





Lajmet e fundit nga