web counter
LEXO PA REKLAMA!

SHKARKO APP

App Store
Google Play

E fundit!

x

Rama i quajti Primaret proces skuth/ Përgjigjet Xhaferri: Ne kandidatët na i diktoi vota, ty bandat

25 Mars 2025, 10:52, Politikë CNA

Rama i quajti Primaret proces skuth/ Përgjigjet Xhaferri: Ne

Kryetari i FRPD-së, Besart Xhaferri, në një reagim në rrjetet sociale i është përgjigjur kryeministrit Rama, i cili u shpreh se Primaret ishin një pseudoproces skuth. Xhaferri shkruan se kandidatët e PD-së i diktoi vota, ndërsa kandidatët në listat e PS-së i kanë diktuar bandat.

Xhaferri i thotë Ramës se nuk mund të flasë për FRPD-në kur ai vetë ka shkrirë FRESSH-in. Kreu i FRPD-së i kërkon Ramës të japë shpjegime për raportin e DASH-it dhe thotë se të rinjtë që janë larguar në 10 vite do t’ia kthejnë borxhin më 11 maj.

“'O Rame', ne kandidatët na i diktoi vota, ty Bandat bazuar në Manualin 184! Edi Rama që merret me primaret tona harron se në sektin e tij për herë të fundit është votuar në 2016 për kreun e FRESH, e pas atij votimi çdo i zgjedhur në radhët e socialistëve ka qënë ose dëshirë e tij ose diktat i bandave. Si mund të flasësh për FRPD kur ti ke shkrirë FRESSH dhe të rinjtë e asaj strukture i ke zëvendësuar me petalet e G99 dhe blerje të kalibirit Bllako&co.

Edi Rama në 2021 firmosi listën e  kandidatëve socialistë të Durrësit ku grupet kriminale kishin diktuar përfaqësuesin e tyre Jurgis Çyrbja, teksa po këto Banda i diktuan edhe koordinatorin e mardhënieve krim qeveri. Edvin mos u merr me të rinjtë e FRPD, por jep shpjegime për raportin e DASH që të ka pikturuar si arkitektin e pastrimit të parave të krimit në ndërtim. Ata të rinj që ke larguar në 10 vite në 11 Maj me votë do ta kthejnë borxhin”, shkruan Xhaferri./ CNA





Lajmet e fundit nga