web counter
LEXO PA REKLAMA!

SHKARKO APP

App Store
Google Play

PS dërgon kërkesë në KAS: Të vlerësohen edhe fletët me shenjë jashtë kutisë

20 Qershor 2025, 15:52, Politikë CNA

PS dërgon kërkesë në KAS: Të vlerësohen edhe

Partia Socialiste i ka dërguar një kërkesë me shkrim Komisionit të Ankimimeve dhe Sanksioneve lidhur me fletët e pavlefshme nga zgjedhjet e 11 majit, për të cilat ka kërkuar që të merren në konsideratë edhe nëse shenja e votimit është jashtë kutisë në të cilën bëhet shënimi në fletëvotim.

 “Subjekti zgjedhor Partia Socialiste e Shqipërisë ka ardhur në dijeni të vendimmarrjes tuaj gjatë procesit të rivlerësimit të votave për zonën zgjedhore qarku Tiranë, nga ku rezulton se fletët e votimit në të cilat shenja dalluese që shpreh vullnetin e zgjedhësit nuk është vendosur brenda kutisë, janë vlerësuar si të pavlefshme nga ana juaj, në kundërshtim me praktikën zgjedhore ndër vite, si dhe kuadrin ligjor.

Referuar vendimit nr. 30, datë 25.04.2025, të Komisionit Rregullator për 'Udhëzuesin punës për Komisionet e Zonave të Administrimit Zgjedhor dhe Grupet e Numërimit të Votave për zgjedhjet për Kuvendin e Republikës së Shqipërisë, në rastin kur shenja e zgjedhësit në fletën e votimit nuk ndodhet brenda kutisë që i korrespondon kandidatit përkatës të listës shumemërore, por shenja është bërë në mënyrë të tillë që e tregon qartë vullnetin e zgjedhësit, fleta e votimit konsiderohet e vlefshme.

Sa më sipër, duke qenë se vlerësimi i fletëve të votimit me shënimin si më lart si të pavlefshme, ndikon në numrin e votave të kandidatëve të listës preferenciale të subjektit zgjedhor Partia Socialiste, duke sjellë si pasojë ndryshimin e tyre në tabelën përmbledhëse, siç na ka rezultuar deri në këtë fazë, kërkojmë nga ju respektimin e kuadrit normativ rregullator dhe të praktikës të zbatuar deri më tani gjatë procesit të numërimit dhe vlerësimit të votave”,-shkruhet në kërkesën e PS-së./CNA 





Lajmet e fundit nga