web counter
LEXO PA REKLAMA!

SHKARKO APP

App Store
Google Play

E fundit!

x

Protesta para Bashkisë Tiranë/ Balliu:Të mos ndalemi përballë presioneve, Veliaj është kryehajdut

29 Gusht 2024, 11:58, Politikë CNA

Protesta para Bashkisë Tiranë/ Balliu:Të mos ndalemi

Në protestën e sotme që po zhvillohet para Bashkisë së Tiranës, shefi organizativ në Partinë Demokratike, Klevis Balliu, u shpreh se drejtësia duhet të funksionojë me integritet në mënyrë që hajdutët e vendit, përfshirë Ramën, Veliajn, Ballukun etj., të dalin para drejtësisë për pazaret që kanë bërë në kurriz të shqiptarëve.

Balliu u bëri thirrje qytetarëve që të mos dorëzohen përballë presioneve të qeverisë, por të luftojnë përmes revoltës e protestës kundër një narko-shteti.

Sipas tij, Rilindja është përgjegjëse për gjendjen e vendit dhe largimin e njerëzve. 

"Drejtësia duhet të funksionojë me integritet. SHBA-së i kërkuam të bënte drejtësi duke luftuar korrupsionin me integritet. Nuk luftohet me pazar, është pseudoluftë ndaj korrupsionit, të këtij hajduti nga SPAK-u me pazar. Merr paratë Veliajt e firmos, arrestohet dikush që s’ka bërë asgjë. Gjen një drejtor të Veliajt, pas mbushjes së xhepave të tij dhe SPAK-u e arreston. Veliaj, Balluku, Rama, Xhaçka kanë ditë që ju vjedhin. Paratë shkojnë nga xhepi juaj te xhepi i tyre. SPAK-u mban në pushtet Ramën, duke sulmuar opozitën dhe liderin e saj. Çfarë lidhje ka kjo bashki me jetën e qytetarëve, apo merret me përmirësimin e mbushjes së xhepave? 9 milionë m2 ndërtim, 1/5 banorë është 65 vjeç, për faj të pushtetit të Ramës. Rinia largohet, s’ka shkolla se ikin njerëzit, ka aktivitet kriminal në vendin tonë. Vetëm vrasje në media, nga mafia dhe narkotrafiku që sollën e mbështetën. Kështu doli e tha edhe Balluku, fajësoi mediat dhe qytetarët. Rilindja është përgjegjëse për gjendjen e vendit, largimin e njerëzve, 80 mijë euro në ditë për inceneratorë që s’ekzistojnë. Janë armiq të Shqipërisë, t’i trajtojmë si armiq të vendit, kombit e familjes. Për ata që kërkojnë të bëjnë presion ndaj qytetarëve dhe ato që protestojnë, e kanë të garantuar që do dështojnë ndaj sulmeve të opozitës. Çdo kabinet duhet të ndryshojë, Rama mbi të gjitha të largohet, kryenarkoshteti. Rruga është ndryshimi, përmes revoltës e protestës", u shpreh ai./CNA 





Lajmet e fundit nga