web counter
LEXO PA REKLAMA!

SHKARKO APP

App Store
Google Play

“Veliaj meriton varjen në shtyllën e turpit të historisë”/ Thirrja e Berishës: Të gjithë në protestë

28 Gusht 2024, 21:16, Politikë CNA
“Veliaj meriton varjen në shtyllën e turpit të
Erion Veliaj

Kreu i PD-së Sali Berisha iu ka bërë thirrje të gjithë qytetarëve që të bëhen pjesë e portestës së ditës së nesërme në orën 11:00 para Bashkisë së Tiranës.

Sipas Berishës, kryebashkiaku Erion Veliaj është një prej hajdutëve më të shpërfytyruar të kohërave, që Tirana nuk e ka njohur kurrë më parë.

Kreu i PD-së thekson se Veliaj meriton  përzenien për zverku nga bashkia, varjen në shtyllën e turpit të historisë.

“Nesër tek bashkia është protesta te bashkia kundër njërit prej hajdutëve më të shpërfytyruar të kohërave, hajdut që Tirana nuk e ka njohur kurrë më parë. Kundër një njeriu që vjedhjen, plaçkitjen ka moral, pasurimin me vjedhjen e ka ideal, fjalën e ka mashtrim.

Ai meriton përzenien për zverku nga bashkia, varjen në shtyllën e turpit të historisë!

Ndaj edhe ju bëj thirrje mbarë qytetarëve të Tiranës, nesër të gjithë tek bashkia në një protestë në të cilën ne duhet të dëshmojmë shpirtin e pamposhtur qytetar, vendosmërinë tonë në duar të sigurta drejt fitores, qeverisë teknike, zgjedhjeve të lira, ndryshimit të pushtetit, fitores së opozitës.

Rrofshi ju, rroftë Shqipëria! Fitore, fitore, fitore!”, tha Berisha./ CNA





Lajmet e fundit nga