Jorida Tabaku kapet mat/ Propozon ligje në konflikt të pastër interesi

28 Gusht 2024, 18:28, Politikë CNA

Jorida Tabaku kapet mat/ Propozon ligje në konflikt të pastër

Deputetja Jorida Tabaku

Deputetja Jorida Tabaku ka bërë me dije përmes një prej postimeve të saj në rrjetet sociale se ka marrë iniciativë iniciativë ligjore për një paketë të plotë në fushën e mbrojtjes së konsumatorit në sektorin bankar.

Sipas deputetes iniciativa ka për qëllim vetëm mbrojtjen e kredimarrësve nga praktikat grabitqare të huadhënies dhe veprimeve kriminale që nënkupton edhe përafrimin e gjithë legjislacionit për shërbimet financiare.

Tabaku thekson se së bashku me një grup specialistësh që janë bipartizanë, ka ndërmarrë që prej fillimit të këtij muaji një nismë që do të kurorëzohet në javët në vijim për të mbrojtur të drejtat e konsumatorëve në fushën e shërbimeve financiare.

“Kam ndërmarrë një iniciativë ligjore për një paketë të plotë në fushën e mbrojtjes së konsumatorit në sektorin bankar.

Iniciativa ka për qëllim vetëm mbrojtjen e kredimarrësve nga praktikat grabitqare të huadhënies dhe veprimeve kriminale që nënkupton edhe përafrimin e gjithë legjislacionit për shërbimet financiare. Do të angazhoj energjitë në atë që mendoj dhe besoj se është detyra parësore e Kuvendit: mbrojtja e qytetarëve dhe interesit të tyre.

Me të njëjtin pasion si në rastin e mbrojtjes së interesit kur u zbulua afera e inceneratorëve apo dedikimit të mbrojtjes së interesit të shtresës së mesme me ligjin antikushtetues të taksimit të profesioneve të lira.

Kjo nismë ka në thelb përshtatjen dhe jo vetëm një ligj për mikrokreditë, financimin e FinTech dhe kamatës sipas standardeve të Bashkimit Europian. Një nismë që natyrisht i shërben domosdoshmërisht një tregu të etur për rregull dhe sundim të ligjit. Një nismë që besoj dhe shpresoj se do të gjejë mbështetjen tek kolegët e mi të të dyja anëve të ishullit politik parlamentar.

Detyra e një deputeti në Kuvend është që të mbrojë interesat e publikut dhe njëkohësisht të jetë pararojë dhe të propozojë ndryshime ligjore apo ligje të reja për ta mbrojtur këtë interes. Prandaj, së bashku me një grup specialistësh që janë bipartizanë, kam ndërmarrë që prej fillimit të këtij muaji një nismë që do të kurorëzohet në javët në vijim për të mbrojtur të drejtat e konsumatorëve në fushën e shërbimeve financiare”, shkruan ndër të tjera Jorida Tabaku.

Por çfarë ndodh?

Deputetja Jorida Tabaku nuk mund të propozojë një nismë të tillë për bankat pasi vetë është në konflikt të pastër interesi sipas ligjit.

Sipas dokumenteve të siguruara nga CNA, bashkëshorti i deputetes Jorida Tabaku, Saimir Sallaku është anëtar i bordit të bankës Credins.

Dokumente tregojnë qartë pse Jorida Tabaku nuk mund të jetë personi që duhet të propozojë një nismë të tillë ligjore.

Dokumentet, Saimir Sallaku, bashkëshorti i deputetes Jorida Tabaku anëtar bordi i bankës

Sipas të dhënave të siguruara nga CNA, Saimir Sallaku është anëtar i këtij bordi nga 23.06.2022 deri më 23.06.2023.

Dokumentet, Saimir Sallaku, bashkëshorti i deputetes Jorida Tabaku anëtar bordi i bankës

Pra, e gjithë kjo tregon se Jorida Tabaku po propozon ligje për bankat ndërkohë që është në konflikt të pastër interesi dhe këto dokumente e vërtetojnë këtë./ CNA