web counter
LEXO PA REKLAMA!

SHKARKO APP

App Store
Google Play

Propozimi i Shehit: Forcat opozitare të bashkohen pa Berishën, do marrin më shumë vota

16 Janar 2026, 21:42, Politikë CNA

Propozimi i Shehit: Forcat opozitare të bashkohen pa Berishën, do

Politikani Dashamir Shehi deklaroi sot se që opozita të prodhojë vota, duhet të bashkohen të gjitha forcat alternative pa kryedemokratin Sali Berisha.

Në një studio televizive, Shehi u shpreh se një nismë e tillë do të shumëfishonte numrin e votave dhe përfaqësuesve në Kuvend.

Sipas Shehit, Berisha si opozitar, kërkon të vijë për herë të tretë në pushtet me ngarkesat e qeverisjeve të tij të mëparshme.

“Nëse nuk puqen të gjitha forcat alternative ndaj Berishës, opozita nuk prodhon vota dhe sakrifikon me mijëra prej tyre. Nëse do ishin të gjithë bashkë, do të kishin rreth 200 mijë vota, që do të përktheheshin në 20 deputetë dhe një sinergji politike. Njerëzit nuk shohin alternativë te opozita. Opozita i sjell Berishën si alternativë, dhe ai nuk ka kohën me vete. Nuk e përsërit dot as për shkak të moshës dhe as për faktin se për herë të tretë kërkon të vijë në pushtet, me ngarkesa nga qeverisjet e mëparshme”,-u shpreh Shehi./CNA





Lajmet e fundit nga