web counter
LEXO PA REKLAMA!

SHKARKO APP

App Store
Google Play

Vendimi i Kushtetueses për arrestin shtëpiak/ Berisha: Kjo gjykatë nuk ka lidhje me ligjin, por me partinë e krimit

16 Janar 2026, 13:03, Politikë CNA

Vendimi i Kushtetueses për arrestin shtëpiak/ Berisha: Kjo

Kryetari i PD-së, Sali Berisha, ka komentuar vendimin e Gjykatës Kushtetuese për ankimimin e Berishës për arrestin shtëpiak. Berisha u shpreh se nuk ka asnjë kuptim që vendimi të shpallet jokushtetues dhe nuk shfuqizohet.

Sipas kryedemokratit, ai vendim ka prodhuar pasoja, ndërsa hodhi akuza se Kushtetuesja kërkon të mbrojë Irena Gjokën, të cilën Berisha e quajti delikuente me tri vepra penale në detyrë.

“Ky vendim për ta pasur të qartë qytetarët ka të bëjë me ankimimin tim ndaj dirigjencës së katërt. Dirigjenca në fjalorin e tyre quhen provat, dokumentet, që prokurorët janë të detyruar që të paraqesin për çështje çdo dy muaj. Mbi bazën e tyre përshtaten qëndrimet nga organet gjyqësore. Sipas ligjit, prokuroria duhet të raportojë çdo dy muaj dhe Gjykata e Shkallës së Parë rivlerëson masën e arrestit. Avokatët kanë bërë deri sot 4 të tilla. Në ankesën e fundit ishte revokim i masës së sigurisë arrest shtëpie pasi shkaku ishte i paligjshëm.

SPAK-u i aplikoi ato pa marrë formën e prerë. Asnjë fjalë për këtë rast se kjo gjykatë nuk ka lidhje me ligjin, por me urdhrat. 8 muaj iu deshën gjykatës, ndërkohë që afati ligjor është 3 muaj. Për këtë gjykatë, organizatë të partisë së krimit, opozita është armike. Çfarë dallimi kishte kërkesa e katërt nga ajo e treta apo e dyta? Asnjë dallim, zero. Asnjë provë të re nuk ka marrë SPAK-u në dirigjencën 2, 3, 4. Nuk citojnë fare emrin tim. E kemi ankimuar pas çdo vendimi deri në Kushtetuese. Gjykatën nuk e ka shqetësuar kjo, nuk ka lidhje me shtetin e së drejtës. A ka kuptim që vendimi shpallet jokushtetues, por nuk shfuqizohet. Shiko çfarë sharlatanësh. Ai vendim ka prodhuar pasoja dhe pasojat e tij ekzistojnë. Pasojat e tij janë masa e detyrimit me paraqitje. Por këtu ata së pari duan të mbrojnë, ata janë Irena, kanë moralin e karakterin e Irenës, delikuente me tri vepra penale në detyrë.

Me këtë vendim u kanë çelur rrugën ministrave të tjerë që mund të dënohen për krime monstruoze dhe korrupsion. Në pamje të parë mund të thoni se kanë bërë drejtësi, por janë treguar një seksion politik i partisë së krimit ashtu siç janë", tha Berisha./ CNA





Lajmet e fundit nga