web counter
LEXO PA REKLAMA!

SHKARKO APP

App Store
Google Play

“Nuk e kemi lirinë të diskutojmë me BE-në”/ Rama: Vendet e BP kanë më shumë kushte për anëtarësimin

16 Janar 2026, 12:14, Politikë CNA

“Nuk e kemi lirinë të diskutojmë me BE-në”/

Kryeministri Edi Rama, gjatë fjalës së tij para Grupit Parlamentar të PS-së, u shpreh se Shqipëria nuk e ka lirinë të diskutojë me Bashkimin Europian pas negocimit.

Rama tha më tej se kushtet për anëtarësimin e vendeve në union kanë ndryshuar me kohën. Ai shtoi gjithashtu se sot vendet e Ballkanit Perëndimor kanë më shumë kushte për anëtarësimin.  

“Kemi pasur disa raste që procesi i diskutimeve të ligjeve që lidhen me anëtarësimin është marrë si një proces ku ne kemi lirinë të fusim duart sipas mendjeve tona. Ne nuk e kemi këtë liri. Nuk e kemi lirinë që pasi negociojmë të diskutojmë. I gjithë mekanizmi kompleks i ligjit europian negociohet me Komisionin, i imponohet qeverisë dhe vjen në Parlament. Kur vjen në Parlament duhet miratuar.

Ju ftoj të jeni të gjithë të përthyeshëm në këtë pikë. Kur thoni nuk duam ta bëjmë këtë se duam ta bëjmë si Franca, përgjigjja që do të marrim është se nuk jeni si Franca, jeni ju që keni kërkuar të jeni pjesë e BE-së dhe kushtet janë këto. I gjithë procesi i anëtarësimit ka sjellë rendim të kushteve për atë që ka ardhur më pas. Jemi ne vendet e Ballkanit Perëndimor që kemi kushte që as Kroacia nuk do t'i merrte dot me mend”, u shpreh Rama. /CNA





Lajmet e fundit nga