web counter
LEXO PA REKLAMA!

SHKARKO APP

App Store
Google Play

Procesi i integrimit/ Rama: Do të shtojmë seancat parlamentare, ligjet e reja në filter

16 Janar 2026, 17:36, Politikë CNA

Procesi i integrimit/ Rama: Do të shtojmë seancat parlamentare, ligjet

Kryeministri Edi Rama deklaroi sot se procesi i negociatave me Bashkimin Europian do të sjellë një ngarkesë të paprecedentë pune për Kuvendin e Shqipërisë.

Në fjalën e tij në mbledhjen e Grupit Parlamentar të PS-së, Rama u shpreh se ky proces do të kërkojë një fokus të ri të insitucionit në ligjet e reja.

Rama la të hapur mundësinë e shtimit të seancave të posaçme të dedikuara vetëm për integrimin evropian, duke theksuar nevojën për përqendrim dhe pjesëmarrje të lartë të deputetëve. /CNA

“Besoj se ndajmë së bashku mendimin që ishte një takim i nevojshëm dhe një shkëmbim i domosdoshëm informacioni. Këtë takim do ta bëjmë të përmuajshëm, me një përmbajtje që do t’u përgjigjet, nga njëra anë, kërkesave të procesit të negociatave dhe, nga ana tjetër, aktualitetit të jetës parlamentare dhe politike.

Ky vit që nis dhe viti i ardhshëm do të kenë një ngarkesë si asnjëherë më parë në Parlamentin e Shqipërisë. Numri i ligjeve që do të kalojnë në filtër do të jetë më i lartë se kurrë, për shkak të procesit të negociatave. Duhet të jemi sa më cilësorë në këtë proces.

Kjo kërkon shtim të angazhimit, por edhe të numrit të seancave. Mbase mund të konsiderohet shtimi në kalendar i seancave të posaçme vetëm për integrimin. Kërkohet përqendrim dhe numër i lartë pjesëmarrjeje”,-tha Rama.

Sipas Ramës, ka ardhur koha për një rishikim të numrit të deputetëve, për ta çuar në 100 deputetë. 

“Duhet të mendohet edhe ngritja e një grupi nismëtar për ndryshimet kushtetuese. Kemi shtruar që në krye të këtij mandati nevojën që parlamenti të zvogëlohet në numër. Kemi një parlament me 140 vetë dhe mund të kemi një me 100 vetë gjë që do ta mirëpriste publiku, dhe do të racionalizonte forca dhe burime. Ka edhe aspekte të tjera që duhen rivizuar nga njerëzit që dinë se çfarë shohin, lexojnë dhe shkruajnë kur vjen fjala te Kushtetuta e Shqipërisë”, tha Rama./CNA





Lajmet e fundit nga