web counter
LEXO PA REKLAMA!

SHKARKO APP

App Store
Google Play

Paralajmërimi i Berishës/ “Ky vend do të kthehet në çerdhe trafikantësh”

3 Mars 2023, 13:30, Politikë CNA
Paralajmërimi i Berishës/ “Ky vend do të kthehet në
Kreu i PD-së, Sali Berisha,

Kreu i PD-së, Sali Berisha, ka paralajmëruar se me këto ritme që po qeveris Edi Rama dhe me shpopullimin masiv, në të ardhmen, vendi do të kthehet në një çerdhe trafikantësh, me ndërtesa bosh dhe kampe refugjatësh.

“Sot, secili prej jush është në një mision të madh për veten, fëmijët, kombin e tij.
Një mision që do t'u japë shqiptarëve, Shqipërinë e shekullit të XXI-të.

Vështirësitë janë të mëdha, por këtë mision e përmbushin studentët, që punojnë paradite në shkollë dhe pasdite nxjerrin disa të ardhura. Në darkë punojnë për të shkruar parullat e kësaj proteste.
Këtë mision e përmbushin të rinjtë, demokratë, por edhe socialistë të penduar, të cilët nga koha e tyre, dalin shtëpi më shtëpi për të shpërndarë thirrjet dhe fletëpalosjet e këtij revolucioni.

Këtë mision e përmbushin nëna dhe baballarë, gjyshër dhe gjyshe, që kanë përcjellë me lot fëmijët e tyre jashtë, por janë sot këtu me ne, deri në fund, në emër të tyre, në emër të Shqipërisë.
Cili është qëllimi i këtij revolucioni? Është përmbysja e monizmit të bazuar në krimin, drogën, në vjedhjen dhe plaçkitjen e shqiptarëve.

Kurrë në histori, një njeri nuk e ka vjedhur këtë komb siç e ka vjedhur Edi Rama me organizatën e tij kriminale.
Në një kohë që ju përcillni fëmijët jashtë për kafshatën e gojës, kryeministri shpirtlig, vendos prapa kësaj ndërtese, vazon 4 milionë euro, e mjaftueshme për të blerë ilaçet një muaj të gjithë pensionistët shqiptarë.
Në një kohë kur ju, gëzimet familjare, dasmat, ditëlindjet, festat e tjera, mezi i gëzoni se nuk keni para, ky krim-ministër shëtit me avionin e tij në dispozicion me dhomë gjumi, drekon dhe darkon me 10 mijë euro, shpenzon 22 milionë euro me fluturime",është shprehur Berisha./ CNA.al





Lajmet e fundit nga