web counter
LEXO PA REKLAMA!

SHKARKO APP

App Store
Google Play

E fundit!

x

“Opozita në situatë të zymtë”/ Sula: E kisha parashikuar, faji i listave dhe interesave

27 Gusht 2025, 18:11, Politikë CNA

“Opozita në situatë të zymtë”/ Sula: E kisha

Deputeti demokrat Dashnor Sula komentoi sot lidhur me situatën e opozitës para fillimit të lëgjislaturës së re.

Në një dalje televizive, Sula tha se opozita ndodhet sot në një situatë të zymtë dhe aspak pozitive.

Sula u shpreh se e kishte parashikuar një situatë të tillë, pasi siç tha ai, qytetarët shqiptarë duan lista me vlerë, emra me kontribute dhe jo një garë për interesa personale.

“Është fatkeqësi në situatën që ndodhet opozita sot në këtë ditë. Është situatë e zymtë dhe e shoh të keqe. S’jam njeri që urrej apo kam gjëra personale. E kam thënë shpesh herë, do të duhet modeli që të votojnë qytetarët. Duhet të jenë të parët qytetarët dhe më pas politikani. Është parashikuar një përfundim i tillë.

E kisha parashikuar që në korrik të 2024-ës. E kam thënë që këtë që po bën PD është vetëvrasje politike, me mbylljen e listave, sistemi është i bllokuar. Qytetarët shqiptarë duan njerëz të nderuar në krye, jo të korruptuar. Ishte një listë pa vlera, vetëm me emërime, pa kontribute. Qytetarët nuk janë budallenj, që të votojnë një forcë politike që e kanë partinë për interesa personale. Duhet ndarë kjo gjë. Kjo është një lojë e ndyrë politikë, nga Berisha dhe nga përfaqësues të tjerë të PD. Në kohën që Dhurata Çupi dhe tre deputetë të tjerë, kërkonim që të futeshim në grevë urie, por ata nuk donin. Ishte thjesht loja.

Këta nuk kanë ndërmend të ndryshojnë asgjë. Duhej të kishte ndryshime radikale, dhe të ishin në krye ata që kishin numrin më të lartë të votave. Unë miqtë më të mirë i kam nga Veriu, nga Jugu s’kam. Por ta harrojnë miqtë e mi nga veriu dhe të tjerët, që do të vijnë në pushtet edhe pas 50 vitesh, nëse do vazhdohet me këtë mentalitet. S’dua t’i fryjë asnjë përçarje, por duhet të ketë ekuilibër partia dhe pushteti”,-tha Sula./CNA





Lajmet e fundit nga