web counter
LEXO PA REKLAMA!

SHKARKO APP

App Store
Google Play

E fundit!

x

Olta Xhaçka justifikohet në mediat e paguara nga inceneratorët

12 Prill 2024, 17:53, Politikë CNA
Olta Xhaçka justifikohet në mediat e paguara nga inceneratorët
Olta Xhacka

Ish-ministrja Olta Xhaçka ka zgjedhur mediat e paguara nga inceneratorët për të folur për çështjen e mandatit të saj, për statusin investitor strategjik si dhe për perlën e lëshuar në televizionin ortak të inceneratorëve, Top Channel.

Xhaçka është justifikuar se fraza “Plazhin e duam që të mos vijë dikush nga mali dhe të vërë çadrën aty” e kanë nxjerrë nga konteksti.

Ish-ministrja dhe deputetja e PS-së ka thënë se komentet janë dashakeqe dhe fjalimet janë të nxjerra nga konteksti.

Ndër të tjera ka vijuar në seri me justifikimet e saj duke thënë se ajo që donte të thonte ishte që hoteli është në rrëzë të malit dhe se komentet janë qesharake se origjina e saj është 1330 metra mbi nivelin e detit.

“Nuk kam thënë po rrethojmë njerëzit nga mali. Nuk i kam parë komentet në rrjet. Por sërish është vazhdim i komenteve dashakeqe dhe fjalimeve të nxjerra nga konteksti. I kanë dhënë konotacion krahinor është dashakeqe. Doja të thoja që hoteli është në rrëzë të malit. Që t'i japësh konotacione krahinore. Absolutisht jo. Të gjithë ata që i njoh dhe të gjithë ata që kanë komentuar origjinën nuk e kanë më shumë se unë. Origjina ime është mbi 1330 metra mbi nivelin e detit. Këto janë vërtet qesharake. Më vjen keq që me dashakeqësi e nxjerrin nga konteksti", ka thënë Xhaçka në mediat e paguara nga inceneratorët./ CNA





Lajmet e fundit nga