web counter
LEXO PA REKLAMA!

SHKARKO APP

App Store
Google Play

“45 tendera në 7 vite”/ Këlliçi: Afera e drejtorëve të Veliajt është shumë më e madhe

11 Prill 2024, 21:26, Politikë CNA
“45 tendera në 7 vite”/ Këlliçi: Afera e
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, tregoi detaje nga dosja “5D” e drejtorëve të Bashkisë së Tiranës, të cilët u arrestuan nga SPAK pas kallëzimit të tij.

Këlliçi tha se kompania “5D” e drejtorëve të Veliajt kanë marrë 45 tendera në 7 vitet e fundit, që kapin vlerën prej 30 milionë eurosh.

Ai paralajmëroi se afera është shumë më e madhe sesa është denoncuar deri më tani.

“Nëse do të kishim të bënim vetëm me një tender, vetëm me një procedurë në 8 vite, me të vërtetë një kryetar bashkie mund të thotë se nuk ka patur dijeni, është rast i izoluar dhe nuk mund të mbaj përgjegjësi. Por prapë ka një përgjegjësi morale. Por kjo ka nisur që në 2016 kur këta kanë nisur punën me një tek elektricist, “Igor Elektrik”, kanë filluar të marrin tendera me këtë kompani, ia kanë ndërruar emrin në “VAS Konstruksion”, më pas e bënë “5D”. Ndaluan ankimimet dhe filluan të marrin tenderat e mëdhenj, u lidhën edhe me kompani të tjera dhe kanë marrë 45 tendera në vlerën e 30 milionë eurove. Kaq kam denoncuar unë, por unë besoj se afera është shumë më e madhe dhe paratë e vjedhura janë shtuar shumë më shumë”, nënvizoi ish-deputeti./ CNA





Lajmet e fundit nga