LEXO PA REKLAMA!

SHKARKO APP

E fundit!

x

“Ohu ç’e zgjasni muhabetin”/ Ngjela, për hetimet ndaj Metës: Sjellja e tij tregon që nuk është i pafajshëm

27 Gusht 2022, 18:03, Politikë CNA
“Ohu ç’e zgjasni muhabetin”/ Ngjela, për hetimet
Spartak Ngjela

Avokati Spartak Ngjela ka konsideruar tërësisht legjitime, nisjen e hetimeve nga SPAK-u për ish-presidentin Ilir Meta.

Ngjela tha se irritimi i Metës dhe sulmet e tij vazhdimisht ndaj prokurorisë së posaçme, shtojnë dyshimet për fajësinë e tij.

Sipas avokatit, SPAK-u është nën monitorim të vazhdueshëm ndërkombëtar, dhe ka të drejtë të hetojë çdo politikan në drejtim të të cilit është ngritur një padi.

“Ohu çe zgjasni muhabetin, SPAK-u nuk drejtohet nga ne, është në monitorim nga ndërkombëtarët, mësojeni dhe Metën. Dalin dhe këta analistët që nuk njohin shtetin, shteti është ligj moj zonjë, pati një denoncim nga një ish-deputet dhe SPAK-u do të nisë hetimet.

Të më pyesësh mua që jam marrë me vite me hetimet, kështu sillen personat që janë të fajshëm, të pafajshmit thonë hajde përballemi në Gjykatë. Zonjë i pafajshmi merr famë botërore, të gjithë ish-kryeministrat janë nën akuzë, ku jemi këtu në Mesjetë? Këta i mori vala dhe i nxori në pushtet, nuk flitet kështu për shtetin.

Nuk trembet SPAK-u nga Meta, deklaratat i bën për opinionin publik, çfarë janë këto mor? Sulme politike dhe luftë politike do të ketë gjithmonë, është gjë normale që një parti tjetër të ketë bërë denoncimin.

Pafajësia të bën figurë botërore, por do shkosh në gjykatë, nuk ke se ku shkon për të marrë pafajësinë, lëre mosbindjen civile të fshatarëve, nuk do të merremi me katundarët ne tani. Zonjë një kapitalist, që ka parë se ti ke bërë këtë dëm atë dëm, mund të bëjë denoncim, mësoni se çfarë është shteti. Po e more pafajësinë bravo të qoftë, në të kundërt shko bëj burgun”, u shpreh Ngjela./CNA.al

 

 

 

Lajmet e fundit nga