web counter
LEXO PA REKLAMA!

SHKARKO APP

App Store
Google Play

E fundit!

x

Kreu i partisë së inceneratorëve: Afera e inceneratorëve do t’i marrë me vete të tërë

26 Gusht 2022, 19:36, Politikë CNA
Kreu i partisë së inceneratorëve: Afera e inceneratorëve do
Ilir Meta

Ilir Meta, kreu i partisë së inceneratorëve, LSI-së, tashmë të quajtur Partia e Lirisë, ka bërë një paralajmërim për të gjithë personat e përfshirë në aferën e inceneratorëve.

Në një lidhje me Fax News nga Jala, Meta tha se afera e inceneratorëve po përshkallëzohet dhe do të marrë me vete të gjithë ata që janë përfshirë në të.

Ai theksoi se bashkë me aferën e inceneratorëve, shumë afera të tjera do të ekspozohen në shtator.

“Çdo gjë është për të shmangur vëmendjen nga mali i fakteve që Partia e Lirisë ka depozituar në SPAK. Them që asgjë nuk e ndal revolucionin Antikorrupsion, jo vetëm afera e inceneratorëve që është e qartë se me vula dhe firmë është e Edi Ramës, por edhe në aferën e Portit të Durrësit që llogaritet deri në 5 milionë euro dëmi ndaj qytetarëve shqiptarë, por edhe afera të tjera. Ajo e djegësave vazhdon përshkallëzohet dhe do t’i marrë me vete të tërë, por patjetër ka edhe shumë afera të tjera që janë duke u përgatitur për t’iu ekspozuar opinionit publik dhe shpikësi është gjithmonë Ramoviçi”, nënvizoi Meta./ B.A. – CNA.al





Lajmet e fundit nga