E fundit!

13:38 Politikë

Kush janë iniciatorët e regjistrimit të protestës/ Nga njerëzit e Lapajt, te njerëzit e Kokëdhimës

Prej 11 ditësh janë zhvilluar protesta kundër qeverisë dhe...

"Nuk do të tërhiqemi nga projektet për turizmin e nivelit të lartë"/ Rama për "AP": Kundërshtimet vijnë nga dezinformimi

10 Qershor 2026, 10:26, Politikë CNA

"Nuk do të tërhiqemi nga projektet për turizmin e nivelit

Kryeministri Edi Rama ka folur për "Associated Press" lidhur me projektin e Zvërnecit dhe protestat që po zhvillohen prej 10 ditësh në Shqipëri.

Në një intervistë për median amerikane, Rama është shrehur se kundërshtimet ndaj projektit në fjalë vijnë vetëm nga dezinformimi, ndërsa thotë se ky zhvillim do të jetë transformues për kombin shqiptar, pasi do ta fusë tregun e turizmit të nivelit të lartë.

I pyetur nëse mund të tërhiqej nga projekti, Rama refuzoi, duke shtuar: “Të tërhiqem nga çfarë?”

Ndërkohë lidhur me ndikimin e investimit në mjedis, kryeministri ka sqaruar se një vlerësim formal nuk ka nisur ende, për shkak se, sipas tij, plani për zhvillimin nuk është finalizuar. Ai tha se arkitektët dhe specialistët ndërkombëtarë të mjedisit ende po e formësojnë propozimin.

“Kur bëhet fjalë për mjedisin, ende nuk ka asnjë projekt, ende nuk ka asnjë vlerësim të ndikimit në mjedis, sepse ky është ende një proces planifikimi”, tha ai.

Rama argumentoi se Shqipëria ka një rekord të fortë për ruajtjen e natyrës, duke treguar ndalimet e gjuetisë dhe prerjes së pyjeve që ai tha se ndihmuan në rimëkëmbjen e popullatave të flamingove.

“Kemi dokumentacion fantastik se si jeta e egër në Shqipëri u rikthye falë moratoriumit 10-vjeçar të gjuetisë”, tha Rama.

Kryeministri tha se kritikat janë plot me “gjysmë të vërteta”, ndërsa sugjeroi që një pjesë e reagimit negativ ndaj projektit po amplifikohej nga ndërhyrjet e jashtme, duke përmendur atë që ai e përshkroi si një fushatë kibernetike iraniane afatgjatë kundër Shqipërisë.

“Ka shumë manipulime. Ka shumë gjysmë të vërteta që bëhen gënjeshtra gjithnjë e më të mëdha çdo orë”, tha ai.

Gjatë intervistës për "AP", Rama ka treguar se si kishte ardhur propozimi i Jared Kushner për investim në Shqipëri. Sipas tij, propozimi nisi rastësisht gjatë një darke në jug të Shqipërisë me Kushner dhe vajzën e presidentit Donald Trump, Ivanka Trump.

Muaj më vonë, Kushner, në një takim të liderëve botërorë dhe drejtuesve të biznesit në Davos të Zvicrës, kishte shprehur interesin për të investuar në Shqipëri.