web counter
LEXO PA REKLAMA!

SHKARKO APP

App Store
Google Play

Protestat kundër qeverisë/ Ministrja: Qytetarët kanë kërkesa politike, nuk lidhen me Zvërnecin

9 Qershor 2026, 21:23, Politikë CNA

Protestat kundër qeverisë/ Ministrja: Qytetarët kanë

Ministrja e Ekonomisë dhe Inovacionit, Delina Ibrahimaj, ndau sot një qëndrim lidhur me protestat disaditore kundër qeverisë.

Në një studio televizive, Ibrahimaj u shpreh se gjithçka nisi nga pamjet e përplaseve në Zvërnec, që mori më vonë përmasa më të gjera.

Sipas ministres, protesta ka avancuar momentalisht në kërkesa politike dhe që nuk lidhen me projektin e Zvërnecit.

“E kemi shprehur që në ditën e parë të protestës e cila është qytetare dhe ato kanë të drejtën e vet të protestojnë. Filloi si një protestë e nxitur nga disa pamje që dhe për mua si qytetare , si ministre ishin pamje të tmerrshme të një personi të dhunuar që ne sigurisht morëm masa të menjëhershme dhe e kuptoj dhe nxitjen e protestës. Ditët e para artikulohej projekti i cili pa diskutim që nuk njihej nga pjesa më e madhe e njerëzve që protestonin. Më pas kryeministri shpjegoi të gjitha hapat që kishte ndjekur projekti apo kërkesa për të pasur një projekt dhe një zhvillim në atë zonë dhe ndërkohë protesta ka avancuar me kërkesa të tjera të cilat nuk lidhen me projektin. Janë të gjitha kërkesa që janë politike dhe nuk lidhen me projektin”,-u shpreh ministrja./CNA





Lajmet e fundit nga