web counter
LEXO PA REKLAMA!

SHKARKO APP

App Store
Google Play

E fundit!

x

Ngjela sulmon gjyqtarin që legjitimoi Kuvendin e PD-së: Injorant, rrezikon burgun

26 Maj 2022, 19:48, Politikë CNA

Ngjela sulmon gjyqtarin që legjitimoi Kuvendin e PD-së: Injorant,

Avokati Spartak Ngjela ka folur me tone të ashpra për zgjedhjet e 22 majit për kryetarin e Partisë Demokratike dhe për vendimin e Agron Zhukrit, i cili legjitimoi Kuvendin e 11 dhjetorit të Partisë Demokratike.

Ngjela e cilësoi fals procesin zgjedhor që e bëri Sali Berishën kryetar të PD-së, 9 vite pasi ishte larguar nga drejtimi i kësaj partie.

Teksa u ndal te njohja e Kuvendit të 11 dhjetorit, avokati sulmoi gjyqtarin, të cilin e quajti injorant dhe deklaroi në "Fax News" se ky i fundit rrezikon burgun.

“Ato që thuhen se Berisha është zgjedhur kryetar, janë false, nuk kanë vlerë juridike. Ka 30 e ca vite që ky njeri nuk njeh ligjin. Jo që nuk e njeh, por nuk e kupton fare, ishte një rrangallë që u fut në politikën shqiptare nga njerëz të dyshimtë dhe nuk po del. Ku ka parti ai, nga e gjeti partinë? Partia është person juridik që e njeh gjykata. Ai gjyqtari, ai injoranti që ka bërë atë vendimin fals për njohjen e 11 dhjetorit, ai rrezikon burgun.

Prandaj vonon Apeli tani se edhe Apeli në burg shkon nëse merr vendim si ai. Edhe sikur t’ja shpjegosh Saliut këtë, të thotë armik, por nuk fiton dot, vetëm sa po lodhet kot. Nuk e ka mundësinë të marrë PD-në, po të dojë le të formojë një parti tjetër. Është në luftë me SHBA-në, si mendoni ju do të fitojë?”, theksoi Ngjela./ CNA.al





Lajmet e fundit nga