web counter
LEXO PA REKLAMA!

SHKARKO APP

App Store
Google Play

“Show” për zgjedhjen e Presidentit/ Alibeaj tenton të justifikohet

26 Maj 2022, 14:11, Politikë CNA

“Show” për zgjedhjen e Presidentit/ Alibeaj tenton tëDeputeti i PD-së, Enkelejd Alibeaj, në një deklaratë për mediat pas mbledhjes së sotme të grupit parlamentar, ka vijuar të tentojë të justifikohet, në lidhje me “show”-n që po zhvillohet në procesin për zgjedhjen e Presidentit.

Alibeaj tha se po merr pjesë në proces, në mënyrë që të përmbushë përgjegjësitë dhe të hiqet dorë nga kultura e bojkotit.

“U ripohua situata që në këtë proces opozita, grupi i PD-së, siç e kemi thënë në fillim kemi qenë koshient me situatën ligjore, që në raundin e katërt dhe pestë zgjidhet me shumicë të thjeshtë votash.

Por ne do të marrim pjesë në këtë proces që ky të jetë gjithëpërfshirës dhe serioz, me kontribute respektive të të gjitha palëve.

E për këtë arsye, pavarësisht gjithë skepticizmeve, sulmeve, dhe të pavërtetave që janë thënë, është detyrim i Opozitës që një proces kaq i rëndësishëm të mos bojkotohej.

Opozita do të qëndrojë vetëm përballë, politikë do të thotë përballje me ato instrumente që ke në dorë.

Mazhoranca nuk i ka as 71 vota. Realiteti është ky, me tri mandate Tom Doshi, dy Aqif Rakipi, dy në pranga dhe raporti i OSBE-ODIHR, dhe më keq akoma raporti i DASH-it tregon se është detyrim yni të marrim pjesë në proces me dëshirën dhe nevojën që të zhbëjmë kulturën e bojkotit.

Ne u qënduam detyrimeve tona sipas dokumentit. Pala tjetër u tërhoq.”-tha Alibeaj./CNA.al





Lajmet e fundit nga