E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Teatri” i Alibeajt me Presidentin/ Raundi i tretë drejt dështimit?

26 Maj 2022, 16:45, Politikë CNA

“Teatri” i Alibeajt me Presidentin/ Raundi i tretë drejt

Deputeti i PD Enkelejd Alibeaj

Grupi i Enkelejd Alibeajt ka reaguar sërish për procesin e zgjedhjes së Presidentit. Me anë të një njoftimi për mediat ky grupim, thekson se mazhoranca dhe Edi Rama nuk e kanë dashur asnjëherë një President konsensual, dhe se emri i tij është paracaktuar.

Sipas deputetëve demokratë tërheqja e mazhorancës nga marrëveshja për zgjedhjen e Presidentit të Republikës është fakti më i qartë se shumica kërkon të kapë çdo institucion.

Ky është vijimi i “teatrit” Alibeaj-Balla, ndërsa me shumë gjasa pritet që edhe raundi i tretë që do mbahet të 30 maj të shkojë drejt dështimit, për aq kohë sa mes opozitës ende nuk ka një dakordësi për emrin e ri të kreut të shtetit.

Deklarata:

Sipas frymës së Kushtetutës, Grupi Parlamentar i Partisë Demokratike u angazhua seriozisht në ndërtimin e një procesi gjithëpërfshirës dhe konsensual për përzgjedhje e Presidentit të Republikës. Kur morëm vendimin për ndërtimin e një procesi gjithëpërfshirës ishim të ndërgjegjshëm që regjimi i Edi Ramës kishte paracaktuar emrin e Presidentit dhe se qëndrimi i tij publik se dëshiron një President konsensual me opozitën ishte fasadë dhe mashtrim.

Detyrimi ndaj qytetarëve kërkonte që opozita të përmbushte përgjegjësinë e saj me seriozitet dhe përkushtim me qëllim që Presidenti i ardhshëm të jetë Presidenti i të gjithë shqiptarëve, pavarësisht se ky nuk ishte vullneti i Edi Ramës, njëriut që pasi vjedh zgjedhjet, kap me votat e nongratave të tij në Kuvend çdo institucion të pavarur.

Tërheqja e Partisë Socialiste nga marrëveshja për ndërtimin e një procesi të përbashkët parlamentar për zgjedhjen e Presidentit, provoi atë që Grupi Parlamentar i PD paralajmëroi që në nisje, që Edi Rama nuk don një President të gjithë shqiptarëve dhe përbetimet e tij publike për konsensus me opozitën janë një mashtrim.

Grupi Parlamentar i PD mbetet i angazhuar në vullnetin e tij për nje proces gjithëpërfshirës dhe konsensual për zgjedhjen e Presidentit të Republikës. Shqiptarët meritojnë një President të gjithëpranuar, që i shërben interesit publik dhe jo interesit të pushtetit të Edi Ramës./CNA.al