web counter
LEXO PA REKLAMA!

SHKARKO APP

App Store
Google Play

“Më shumë bën dëm, se punë”/ Rama: AKU-ja duhet pezulluar

2 Korrik 2025, 19:37, Politikë CNA

“Më shumë bën dëm, se punë”/ Rama: AKU-ja

Kryeministri Edi Rama deklaroi sot se Autoriteti Kombëtar i Ushqimit (AKU) duhet pezulluar dhe se kjo agjenci duhet reformuar në bashkëpunim me Universitetin Bujqësor. 

Deklaratat u bënë në fjalën e tij përmbyllëse për “Dialogun për Bujqësinë dhe Zhvillimin Rural”.

 “Kjo është diçka që e kemi thënë shpesh dhe e kemi përsëritur herë pas here në kohë, por nuk e kemi bërë dhe tani duhet ta bëjmë, ashtu siç duhet. Duhet të angazhojmë menjëherë strukturat e Tatimeve për një sensibilizim, përpara se Tatimet të ndërhyjnë me sekuestro për qumështin e pafaturuar. Qumësht i pafaturuar apo ushqime të freskëta të tjera të pafaturuara që mund të jenë të rrezikshme. Edhe këtë gjë duhet ta kryejë Ministria e Financave, që të fillojë një proces sensibilizimi duke folur me bizneset e vogla. Duhet që për një periudhë dyjavore, pas sensibilizimit, të merren dhe të sekuestrohen këto materiale. Edhe në të njëjtën kohë, duhet të pezullohet veprimtaria e AKU-së. AKU-ja duhet ndaluar me urgjencë që të vazhdojë të veprojë, sepse më shumë se sa mirë, bën dëm. Duhet pezulluar AKU-ja dhe duhet të ngrihet një komision i posaçëm për të marrë në analizë të gjitha burimet njerëzore të AKU-së dhe procesi i bashkimit të inspektoriateve që është vendosur me ligj, duhet të kalojë në proces seleksionimi. Edhe në komision duhet të jetë pjesë Universiteti Bujqësor i Tiranës”,-tha Rama./CNA

 





Lajmet e fundit nga