web counter
LEXO PA REKLAMA!

SHKARKO APP

App Store
Google Play

Mbetjet e rrezikshme në vend/ Muçollari: Censurë për të fshehur përgjegjësinë politike dhe penale të çështjes

4 Shkurt 2026, 17:13, Politikë CNA

Mbetjet e rrezikshme në vend/ Muçollari: Censurë për

Demokrati Grigels Muçollari komentoi sot situatën e krijuar në vend me mbetjet e rrezikshme.

I ftuar në “Syri Tv”, Muçollari u shpreh se përgjegjësia për ktë problematikë kalon nëpër të gjitha hallkat e kontrollit shtetëror, duke nisur nga portet e doganat.

Sipas tij, censura e deritanishme e institucioneve lidhur me çështjen është bërë për të fshehur përgjegjësinë politike dhe penale të zyrtarëve.

“Tani kemi të bëjmë me trafik ndërkombëtar të mbetjeve të rrezikshme. Që do të thotë që është e dënuar me shumë konventa ndërkombëtare dhe bën përgjegjëse në një mënyrë apo në një tjetër gjithmonë qeverinë shqiptare. Që do të thotë garanti që duhet të garantonte që s'duhet të ndodhë trafiku ndërkombëtar i mbetjeve të rrezikshme, është qeveria. Kështu që ka thyerje të disa konventave dhe nuk e di nëse do të ketë hapa të mëtejshëm nga institucionet ndërkombëtare, por nga qoftë dhe nga vendet anëtare pjesë të konventave, që kryesisht janë dhe vendet e Bashkimit Europian. Këtu fillon ngjarja. Që do të thotë që krimi ishte shumë i madh, akti që kish ndodhur dhe le të presupozojmë në dijeni apo në padijeni. Në të dyja rastet, madje padijenia është dhe më e vështirë se në dijenia, se në dijeni, nëse ti di një rast, ti e kontrollon territorin. Padijenia e bën më të rëndë situatën, që do të thotë ti nuk kontrollon asnjë gjë në territor. Ishte një ngjarje që unë e kam denoncuar në krye të herës, duke lexuar një lajm nga rrjeti i Bazelit.

E vura re në atë periudhë që kishte një tentativë të fortë për t'u censuruar, sa herë pas here të ngelet, domethënë, pa i përmendur dhe televizionet, por ndodhte që kishin vështirësi për të më thirrur, pasi çështja dhe unë vura re që qeveria ishte shumë sensitive të mos përmendeshe kjo çështje. Dhe mes të gjitha dokumentacioneve kuptoheshe që kishte një përgjegjësi të drejtpërdrejtë ministrja Kumbaro, në atë kohë ministrja e Mjedisit. Dhe pa diskutim që kjo përgjegjësi shtriheshe më pas dhe në të gjitha shkallët ku ishin prekur, duke filluar porti, doganat e të gjitha me radhë. Kështu që në këtë aspekt u mundua të fshihej ngjarja, u mundua të trajtoheshe sikur ato mbetje nuk ishin të rrezikshme. U mundua dhe të bëhej qesharake duke nxjerrë dhe përfaqësues që flisnin që nuk ndodh asnjë gjë nga ato mbetjet. Për fatin tonë të mirë dhe të keq njëkohësisht, organizatat ndërkombëtare dhe rrjeti i Bazelit insistoi shumë që të zbatohet ligji dhe më pas ne ishim të detyruar t'i prisnim në ardhje.

Që do të thotë zgjati nja dy-tre muaj kthimi dhe pasi erdhën, u desh një vit e gjysëm që prokuroria të hetonte dhe të dilte në përfundime. Ndërkohë që nuk zgjaste më shumë se një javë, një analizë toksike e mbetjeve dhe më pas të kishte marrë vendimet. Dhe çfarë ndodh? Ishte ajo që ne herë pas here e paralajmëruam dhe ishim të bindur që do të ndodhte këtu. Që nga momenti që prokuroria e Durrësit mori çështjen në shqyrtim, do të thoshte që nuk mund të shqyrtonte dot ministra, fajin e ministrave, fajin e njerëzve politikë, deputetë apo ministra. Që do të thotë që në atë moment ishte paravendosur deri se kur do të gjykohej. Dhe sot përfundoi në hetime, duke çuar në akuzë dhjetëra njerëz, të cilët janë specialistë dhe maksimumi një drejtor i nivelit të mesëm. Dhe patjetër dhe biznesmenë të fushës. Që do të thotë që në këto kushte për të fshehur përgjegjësinë politike dhe përgjegjësinë penale të të mandatuarave të ekzekutivit, të dy ministrave, që për fatin tonë të keq, këtu mirë që ndodhin gjërat, le të themi mirë që ka humbur përgjegjësia morale, politike dhe përgjegjësia ndaj votuesve, se po flasim për një skandal që ka një vit e gjysëm që ka ndodhur. Dhe janë po ata njerëz ku Kumbaron e mjedisit të atëherë, të 2800 tonë mbetjeve të rrezikshme, sot të vërtetuara si të rrezikshme, e kemi vendosur të edukojë fëmijët tanë. Zotërinë tjetër, ku i kaluan dy, 108 kontejnerë në port dhe ishte drejtori i portit, e rritëm në detyrë. Ti do na ruash gjithë territorin e vendit i themi. Do na ruash atdheun”,-u shpreh Muçollari./CNA

 

 





Lajmet e fundit nga