web counter
LEXO PA REKLAMA!

SHKARKO APP

App Store
Google Play

Peleshi në Forumin e Sigurisë në Uashington: Shqipëria krah SHBA-së, e angazhuar ndaj stabilitetit gjeopolitik

4 Shkurt 2026, 15:50, Politikë CNA


Kryeparlamentari Niko Peleshi theksoi sot në Forumin e Sigurisë në Uashington se Shqipëria mbetet në krah të Shteteve të Bashkuara të Amerikës në luftën për formësimin e sigurisë globale.

Në fjalën e tij para Kongresit Amerikan, Peleshi u shpreh se vendi, por edhe Ballkani Perëndimor në tërësi, janë të ndjeshëm gjeopolitiksht dhe të ekspozuar ndaj tentativave që kërcënojnë këtë siguri, për të cilën tha se Shqipëria mbetet e angazhuar.

“Do të doja të shprehja respektin për mbështetjen e vazhdueshme të Kongresit në formësimin e sigurisë globale, duke mbrojtur vlerat demokratike dhe duke forcuar aleancën transatlantike. Po marr rastin për t’ju informuar se ditën kur presidenti Trump dhe liderët njoftuan Bordin e Paqes në Davos, Kuvendi i Shqipërisë ratifikoi marrëveshjen për të riafirmuar angazhimin tonë për stabilitet, siguri, zgjidhje konflikti dhe paqe të qëndrueshme. Jemi në një moment transformimi rrënjësor gjeopolitik. Rikthimi i luftës në shkallë të gjerë, e veçanërisht Ukrainë-Rusi përkon me kërkimin për kërcënimin, sulmet kibernetike dhe dezinformimin, ndërhyrjen e huaj, terrorizmin dhe krimin. Ballkani Perëndimor mbetet i ndjeshëm gjeopolitikisht, i ekspozuar ndaj tentativave të jashtme në ruajtjen e stabilitetit të brendshëm, institucioneve demokratike dhe besimin e aleancën transatlantike drejt këtij rrugëtimi”,-tha Peleshi./CNA

 

 





Lajmet e fundit nga