web counter
LEXO PA REKLAMA!

SHKARKO APP

App Store
Google Play

E fundit!

x

“Liria e mediave është thelbësore”/ Balla: Berisha me 2 herë më shumë kohë televizive se Rama

29 Tetor 2025, 12:31, Politikë CNA

“Liria e mediave është thelbësore”/ Balla: Berisha me

Kreu i grupit parlamentar socialist, Taulant Balla, ishte sot i pranishëm në tryezën e Komisionit Parlamentar Shqipëri-BE.

Në fjalën e tij, Balla u ndal te disa çështje me rëndësi për vendin, si liria e medias dhe pluralizmi.

Balla përmendi edhe raportin për kohën televizive që merr politika, teksa u shpreh se koha e kryetarit të Partisë Demokratike është dy herë më shumë sesa koha e Kryeministrit dhe kryetarit të Partisë Socialiste.

“Sa i përket një vlerësimi të shkurtër të çështjes së mediave, po padyshim që liria e mediave është thelbësore në vlerësimin e demokracive funksionale. Por unë mendoj se ajo që ka rëndësi në garat e barabarta, sepse media është interpretuesi, ose le të themi një ndërmjetës mes politikanit dhe publikut dhe pashë në raportimin e fundit të Autoritetit të Mediave Audiovizive në Shqipëri një tabelë që është për mua shumë domethënëse dhe që doja ta ndaja me kolegët edhe të opozitës, të Kuvendit të Shqipërisë, por edhe të Parlamentit Europian.

Kam këtu një përmbledhje të kohës televizive të politikanëve kryesorë në Shqipëri në katër televizionet kombëtare. Dhe e shoh si shumë pozitive, në kuptimin e pavarësisë së medias, që politikani, i cili ka më shumë kohë televizive në katër televizione kombëtare është kryetari aktual i Partisë Demokratike, madje më shumë kohë sesa kryetari i Partisë Socialiste në shumicë.

Dhe kjo është diçka që mendoj që vlen. Po, vlen shumë. Dhe kjo është në Televizionin Kombëtar, Radio Televizioni Shqiptar, ndërkohë që në katër televizionet publike, pra kryesore, koha e kryetarit të Partisë Demokratike është dy herë më shumë sesa koha e Kryeministrit dhe kryetarit të Partisë Socialiste.

Kjo është në katër televizione, pra dy herë më shumë kryetari i Partisë Demokratike sesa kryetari i Partisë Socialiste në katër televizionet kombëtare. Kjo është gjë e mirë.

Në fund të fundit janë mediat vetë që vendosin se kush duhet të dalë dhe kush jo, dhe nuk bëjmë ne linjën editoriale të mediave. Kështu që në vlerësimin tim vlen ajo që e kam thënë gjatë gjithë këtyre dy ditëve të punimeve: duhet të punojmë të gjithë bashkë në funksion të të gjitha çështjeve që kemi diskutuar.

Ka disa raste kur opozita e ka natyrshëm votën kundër, siç është buxheti i qeverisë, përbërja e qeverisë, por kemi edhe plot projektligje të tjera ku mund të gjejmë gjuhën e përbashkët, përfshirë këtu edhe çështjet që u përmendën së fundi nga eurodeputetët”,-tha Balla./CNA

 





Lajmet e fundit nga