"Shqipëria do të hyjë në fazën e transformimit ekonomik"/ Dhuka: Do të kthehemi në frontierë të investimeve të BE-së

28 Tetor 2025, 18:24, Politikë CNA

"Shqipëria do të hyjë në fazën e transformimit

Ministrja e Shtetit, njëherësh Kryenegociatorja Majlinda Dhuka e pranishme në Komitetin e Stabilizim Asociimit që po mbahet në Tiranë deklaroi se marrëdhëniet e Shqipërisë me Bashkimin Europian janë në fazën më të avancuar si në pikëpamjen politike, diplomatike dhe atë të integrimit. Dhuka tha se Shqipëria së shpejti do të futet në fazën e transformimit ekonomik.

Dhuka u shpreh optimiste dhe deklaroi se në takimin e këtij Komiteti pas 4 vitesh do të diskutohet për zgjedhjet që do të mbajë Shqipëeria për Parlamentin Europian.

"Jam këtu për të marrë orientimet tuaja politike për rrugën drejt BE dhe PE.

Dua ta nis me një vlerësim për mbështetjen e Parlamentit Shqiptar dhe PE-së të të gjitha forcave politike edhe në rastet kur mendimet konvergojnë apo diferencohen. Dua të ndalem në çështjen për të vënë theksin në marrëdhëniet mes BE-së dhe Shqipërisë të cilat janë në fazën më të avancuar si pikëpamjen politike, diplomatike, ekonomike apo të integrimit.

Shqipëria ka shërbyer si një vatër e ideve politike të Europës dhe me samitin e NATO-s në vitin 2027 synon të jetë vatër e ideve euroatlantike.

Shqipëria dhe Ballkani Perëndimor synojnë të kthehen në një frontierë të investimeve të Bashkimit Europian.

Dua të shoh përpara, në takimin pas 2 viteve të këtij komiteti dy parlamentet do të flasin për traktatin e integrimit të Shqipërisë për të krijuar një shkallë më të lartë pranimi.

Në një anë qëndron mbështetja e qytetarëve shqiptarë me 91% dhe e qytetarëve europianë me mbi 50% për zgjerimin. Gjithashtu duke parë sërish përpara pas 4 vitesh do të diskutohet për zgjedhjet që do të mbajë Shqipëeria për Parlamentin Europian. Sa i përket procesit të integrimit, fazën e parë po e përmbyll dhe do të futemi në fazën më të rëndësishme ku nis transformimi i madh ekonomik në një numër të madh fushash. Shqipëria ka hapur një debat të madh shoqëror me afrimin e vlerave europiane, por të bashkuar me vlerat kombëtare", deklaroi Dhuka./CNA