web counter
LEXO PA REKLAMA!

SHKARKO APP

App Store
Google Play

E fundit!

x

"Kur t'i jepni dorën Ramës, kontrolloni xhepat"/ Berisha, mesazh zyrtarëve të lartë europianë

5 Dhjetor 2022, 12:28, Politikë CNA

"Kur t'i jepni dorën Ramës, kontrolloni xhepat"/

Akuza të rënda ka lëshuar kreu i PD-së, Sali Berisha, ndaj kryeministrit Edi Rama.

Sipas tij, Rama është njeriu i dhunimit të votës dhe i lidhjeve të krimit dhe kjo di i dëshmohet lidershipit europian.

“Ju keni konstatuar këto ditë, se si këta bosë të mafias shqiptare, ballkanike dhe europiane, janë tronditur gjer në palcë nga vendosmëria e opozitës për të dalë në protestë.

Se si këta përpiqen të përdorin samitin për të shtypur dhe mohuar të drejtën kushtetuese për të protestuar.

Se si këta janë tmerruar nga protesta, e cila do t'i dëshmojë lidershipit europian, se Edi Rama është njeriu i dhunimit të votës, i lidhjeve të krimit. Ai i ka shndërruar shqiptarët në njerëz të varkave.

Të dashur opozitarë dhe opozitare, nesër më shumë se kurrë, ne do të duhet bëjmë gjithçka për të mbushur bulevardin e Tiranës.

Është një rast i artë, është një detyrim madhor politik, moral, ligjor dhe i gjithanshëm, që ne të bëjmë prezent përpara botës, realitetin dhe rrezikun ekzistencial që kërcënon kombin shqiptar”, ka thënë Berisha.

Më tej Berisha ka këmbëngulur se do të ishte e pafalshme nëse nuk do të ishim të gjithë në protestën më të madhe që ka njohur Shqipëria.

Ndër të tjera Berisha ka dhënë edhe një mesazh për liderët e BE-së, ndërsa i këshillon të kenë kujdes që kur t'i japin dorën Ramës, të kontrollojnë xhepat.

“Unë e di, se ata që mblidhen nesër, sigurisht nuk mund të garantojnë votën tonë të lirë, por të paktën ta dinë se njeriu që kanë përballë, e ka karrigen e kalbur mbi votat e vjedhura të shqiptarëve.

Unë e di se ata që mblidhen nesër, nuk mund të na shpëtojnë nga vjedhjet e fondeve publike dhe pasurive publike, por të paktën duhet ta dinë që kur t’i japin dorën atij, të kontrollojnë xhepat.

Ai është në fakt kryehajduti i shqiptarëve, i të gjitha kohërave. Unë e di që askush nuk do të vijë të na çlirojë ne nga narkoshteti, ne dhe vetëm ne do çlirohemi prej tij, por jetike është t’u dëshmojmë se njeriu që qëndron në tavolinë në emër të shqiptarëve, është një Noriegë me atlete të kuqe Adidas. Do të ishte e pafalshme nëse nuk do të ishim të gjithë në protestën më të madhe, më madhështore që Shqipëria ka njohur në historinë e saj”, ka thënë Berisha./CNA.al





Lajmet e fundit nga