web counter
LEXO PA REKLAMA!

SHKARKO APP

App Store
Google Play

E fundit!

x

“Kullat ngulen ku të munden”/ Berisha: Lumenjtë e narko-eurove po shkatërrojnë kryeqytetin

1 Shtator 2022, 20:01, Politikë CNA
“Kullat ngulen ku të munden”/ Berisha: Lumenjtë e
Sali Berisha

Kreu i Partisë Demokratike, Sali Berisha, gjatë takimit me intelektualët në Tiranë, deklaroi se lumenjtë e narko-eurove në ndërtim po e shkatërrojnë qytetin.

Sipas Berishës, arkitektët në vendin tonë transformohen me Ramën dhe me Veliajn duke u përshtatur me Tiranën ku dikton pesha e drogës.

“Çdo qytet është normale që të ketë ndërtimet e kohës. Arkitektët e studios holandeze që merren me Tiranën apo Stefano Boere janë të njohur. Por çfarë ndodh me ta? Nëse këta arkitektë në Roterdam apo qytete të tjera kanë ndërtuar kryevepra, këtu ata transformohen me Ramën dhe me këtë kryetar bashkie ata përshtaten dhe gjithçka në Tiranë dikton pesha e drogës.

Asnjëri nuk mund të jetë kundër një lagjeje moderne në Tiranë. Por kjo që ndodh me Tiranën nuk ndodh askund në botë. Janë vërsulur ku të ndërtojnë një kullë pa asnjë lloj lidhje dhe plani. Pa asnjë lloj respekti për kushtet urbanistike.

Çfarë po mbetet për Tiranën. Absolutisht Tirana që unë njoha 60 vite më parë, fëmijë, ishte shumë herë më eprore në trashëgimi dhe vlera se sa Tirana e sotme me kulla që përfaqësojnë lakminë e papërmbajtur dhe jo rregullin. Me kulla që ngulen ku të munden dhe si të munden, mjaftojnë të lahen tonelatat e eurove dhe drogës.

Para një jave kam parë treguesin e ndërtimit në Europë. Treguesin Shqipëria e ka 2 herë më të lartë se çdo vend tjetër të Europës, dhe 4 herë më të lartë se Suedia, e disa vende. Sepse këtu po vërshojnë lumejtë e narko-eurove dhe po e shkatërrojnë qytetin.”-tha Berisha./CNA.al





Lajmet e fundit nga