E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Kukulla e Bashës, qindra dollarë për propagandë ditën e Primareve

1 Mars 2025, 09:55, Politikë CNA

Kukulla e Lulzim Bashës dhe e paguar nga Sorosi, Jorida Tabaku, një nga individët më përçarës në Partinë Demokratike që u bashkua me Lulzim Bashën dhe u tërhoq zvarrë deri në minutën e fundit, një nga njerëzit që ka marrë pa meritë gjithçka, njeriu që tradhtoi dhe shiti kauzën e inceneratorëve, jo vetëm në komisionin hetimor, por dhe përtej tij, ka gjetur një mënyrë për të qenë në vëmendje gjatë ditës së Primareve.

Jorida Tabaku, sipas të dhënave të nxjerra zyrtarisht nga faqja e Joridës në "Facebook", po shpenzon qindra dollarë me promocion të aktiviteteve të ndryshme që ajo ka zhvilluar gjatë javës. Janë disa dhjetëra aktivitete, takime që ajo po i promovon në rrjetet sociale, po ta shikoni çdo aktivitet ka të promovuar, në promocion të paktën 100 dollarë dhe të gjitha, dhjetëra promocione që ajo i ka vënë aktive, përfundojnë për 15 orë.

Ne i kemi nxjerrë sot në mëngjes, ato përfundojnë me mbarimin e votimit diku rreth orës 18:00, 19:00, pasi ka mbaruar votimi i Primareve. Jorida Tabaku kështu ka zgjedhur që të bëjë fushatë online me qindra dollarë.

Pagesa thuhet e kryer nga Partia Demokratike, nuk dihet a i deklaron Jorida këto para që shpenzon në deklarimet e saj të pasurisë në rrjetet sociale.

Kukulla e Bashës, qindra dollarë për propagandë ditën e

Por, mesa duket ka gjetur një hile për të qenë prezente te demokratët që ata të harrojnë Joridën e Sorosit, ta harrojnë kukullën e Lulzim Bashës që po kërkon të vazhdojë karrierën duke iu lëpirë Sali Berishës. Demokratët duhet të ndëshkojnë me votë këdo që është tallur me ta dhe i ka tradhtuar. /CNA