E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Koalicioni i PD/ Biznesmeni Luca ironizon: Kryevepër! Kujtim e mban mend kur pinim?

5 Mars 2025, 19:02, Politikë CNA

Koalicioni i PD/ Biznesmeni Luca ironizon: Kryevepër! Kujtim e mban mend

Sipërmarrësi dhe biznesmeni, Gjergj Luca reagoi në lidhje me koalicionin e zgjeruar të Partisë Demokratike për zgjedhjet parlamentare të datës 11 maj. Luca, ironizoi me partitë e tjera pjesëmarrëse të koalicionit ndërsa në fund mesazhin e mbyll se edhe ai kërkon vendin që i takon në këtë koalicion si një demokrat i vjetër.

“Sapo erdha në aeroportin e Athinës, po kthehem nga Izraeli pas dy ditësh të një vizite shumë të suksesshme. Edhe hapa tani këtë tallavanë tonë, ju lutem më ndiqni vetëm pak se mbase është pak listë e gjatë, por do t’ju lexoj aleatët e partisë sime.

Ore zotëri, të partisë sime, janë 26 parti e nuk shoh veten unë kërkund. Partia Demokratike e Shqipërië, pra partia ime e kryesuar nga naltmadhëria e tij, Partia e Lirisë e përfaqësuar nga Likja, Partia Republikane me Fatmir Mediun, Partia Demokristiane me të madhin Nard Ndoka, më i miri në botë, Partia Bashkimi për të Drejtat e Njeriut përfaqësuar nga kryetari Vangjel Dule. Vangjel, të shkon mbas Nardit se aty-aty jeni, nuk jeni larg edhe për elektorak edhe për fe se jeni të krishterë të dy palët.

Partia Agrare Ambientaliste nga miku im Gon Duka. Për Gonin duhet me nejt serioz, se pse vazhdon këtë tallava unë se marr vesh, një djalë i mrekullueshëm për së mbari.

Partia Ndërkombëtare Konservatore Albania, përfaqësuar nga kryetari Kujtim Gjuzi. Është kryevepër miq, Kujtim Gjuzi. O Kujtim, o ta hëngsha zemrën. E mban mend sa kemi pas shitur te Bar Sahati kur u dehnim, ça lloj katunarësh na vinin rreth e përqark. Je i madh, ajo është partia që të takon Kujtim, edhe vej pak rregull aty. Merru içik me kryetarin se vetëm të vërteta flet nga goja, o Kujtim o ta hëngsha zemrën.

Koalicioni i PD/ Biznesmeni Luca ironizon: Kryevepër! Kujtim e mban mend

Partia Emigracionit Shqiptar, po mirë mo ne duam ta mbyllim emigracionin. Po çfarë do Partia e Emigracionit me ne o Doktor? Lërë këtë parti jashtë, ne duam që shqiptarët të kthehen, çështë kjo parti? Kristaq Papa…

Partia Aleanca Arbnore. Doktor, çështë ky Gjet Ndoji? Po nuk duam më luftë o Doktor, o ta hëngsha zemrën.

Partia Aleanca Europiane Ekologjike, ja këtu e kemi hallin te ekologjia se gjithë të tjerat i kemi marrë. Po Sazani është burrë i mirë dhe kur e shoh me kanatjerë që është aq ekologjik, nuk ka burrë si ai.

Partia Lëvizja e Legalitetit nga Shpëtim Anxhani, Legaliteti do të thotë që rri i fshehur, se ça do me Doktorin që del haptas nuk e di.

Partia Lëvizja Demokristiane Shqiptare. O Nard ça është ky që na ka hyrë më vlla. Mhill Kecaj, pse na ka hy ky o Nard?

Fryma e Re Demokratike e përfaqësuar nga Sali Shehu. Salën e kam mik, e kam pas ndihmuar dikur, se di a do ta ndihmoj më se mua më ka lënë rrugëve.

Partia Balli Kombëtar Shqiptar, përfaqësuar nga kryetari Adriatik Alimadhi. Balli Kombëtar më mirë se komunistat kanë qenë, por se çfarë duan bashkë me komunistat nuk e di. Partia Balli Kombëtar Demokrat, paska edhe një tjetër Ball Kombëtar, përfaqësuar nga Artur Roshi.

Koalicioni i PD/ Biznesmeni Luca ironizon: Kryevepër! Kujtim e mban mend

Partia Bashkimi Popullor i Pensionistëve, para vdekjes kjo Doktor apo pas vdekjes? Po kjo është partia që ti duhet të përfaqësosh, Bashkimi për Pensionistët. Këtë merr në dorë, mos na sakato ne që kemi edhe 20 vjet punë për të punuar.

Partia Aleanca e Maqedonasve, janë të mirë këta shulat. Po çdoni ju o shula me Doktorin? Do na merrni në qafë.

Partia për Drejtësi Integritet dhe Unitet, o Shpëtim po si të kanë lënë të fundit o burrë? Ne të kishim të parin, të linim në krye të tavolinës. Po si mor këta demokratët të kanë lënë në fund të tavolinës, po si e harrove bukën e vjetër?

Miqtë e mi, ju të gjithë partitë e aleancës nëse nuk i thoni Doktorin të më bëjë edhe mua atë vend që më takon, mbani mend do t’ju bëj copë”, përfundoi Luca. /CNA