web counter
LEXO PA REKLAMA!

SHKARKO APP

App Store
Google Play

Programi ekonomik i PD/ Teliti: Rimbursim automatik të TVSH-së çdo muaj për bizneset

5 Mars 2025, 18:08, Politikë CNA

Programi ekonomik i PD/ Teliti: Rimbursim automatik të TVSH-së

Koordinatori për programin ekonomik në Partinë Demokratike, Dorian Teliti me anë të një statusi në rrjetet sociale ka detajuar më tej programin ekonomik të PD. Teliti shkruan se PD do të rimbursojë në kohë TVSH-në, gjë e cila do të realizohet në 100 ditët e para të qeverisjes.

Rimbursimi shkruan Teliti do të bëhet automatikisht çdo muaj për bizneset prodhuese që eksportojnë. Po ashtu Teliti thotë se do të hiqen kontrollet e shpeshta dhe do të kryhet vetëm një kontroll vjetor.

“Rimbursim real dhe në kohë të TVSH-së – Angazhim i 100 ditëve të para të qeverisjes së PD-së! Pa prodhim, nuk ka ekonomi. Pa prodhim, nuk ka mirëqenie. Biznesi duhet mbështetur me politika të qarta, procedura të reduktuara dhe transparente. Por mbi të gjitha, duhet t’i jepet fund diskrecionit ministror në rimbursimin e TVSH-së! PD angazhohet për: Rimbursim automatik të TVSH-së çdo muaj për bizneset prodhuese që eksportojnë, duke e kompensuar me detyrimet tatimore të periudhës korente. Heqjen e kontrolleve të shpeshta dhe burokratike – vetëm një kontroll vjetor sipas riskut të sistemit.

Ekonomia nuk zhvillohet me propagandë, por me vizion, guxim dhe politika të duhura ekonomike. Shqipëria ka nevojë për një qeveri që mbron biznesin prodhues dhe krijon kushte reale për zhvillim”, shkruan Teliti./ CNA





Lajmet e fundit nga