LEXO PA REKLAMA!

SHKARKO APP

Kërkesa për përjashtimin e deputetëve të PD-së/ Luan Baçi paralajmëron Ramën: Nuk ndalojmë

6 Shkurt 2023, 17:10, Politikë CNA
Kërkesa për përjashtimin e deputetëve të PD-së/
Deputeti Luan Baçi

Pas kërkesë së PS-së për përjashtimin për 10 ditë nga Kuvendi të disa deputetëve të PD-së, ka reaguar edhe Luan Baçi.

Me anë të një reagimi në rrjetin social të “Facebook”, Baçi “përshëndet” veçanërisht dy deputetët e Fierit të cilët kanë firmosur kërkesën. Deputeti Luan Baçi shton më tej në kundërpërgjigjen e tij se numërimi mbrapsh ka filluar dhe asgjë nuk i shpëton për të dhënë llogari një për një.

Një detaj interesant që Baçi ka theksuar, është që sipas tij një nga firmëtaret madje nuk ka qenë në sallë fare e në vend të saj votoi deputeti “komshi”.

Luan Baçi shton se mund t’i përjashtojnë nga seanca apo grupi parlamentar me ndihmën e “ortakut postier”, por nga sheshet e fjala e lirë nuk munden.

Reagimi i plotë:

Deputetët e PS si ushtarë të bindur të Ramës, kanë bërë kërkesë, për përjashtimin e disa deputetëve të PD për 10 ditë nga parlamenti!

Janë shqetësuar shumë, nga bllokim i foltores, kur në fakt, në vetëm kemi folur te foltoria, madje duke na dhëne fjalën drejtuesia e seancës, normalisht e detyruar nga qëndrimi yne, por gjithmonë brenda rregullores!

"Përshëndes" veçanërisht dy deputetët e Fierit, që kanë firmosur për përjashtimin, ja që e bëjnë një punë të mirë dhe ato, kot thonë në Fier se, nuk janë për gjë!

Vazhdojnë të kordinohen, me "ortakët" ja kanë marrë dorën përjashtimeve dhe nuk ndalen!

Të jeni të sigurtë, që edhe ne nuk ndalojmë, numërimi mbrapsht ka filluar, asgjë nuk ju shpëton, do të jepni llogari një për një!

Më vjen keq, për ju deputët që firmosni me urdhër, pa dijtur për se dhe për çfarë!

Një nga firmetaret deputete madje ska qenë në sallë fare, por në vend të saj votoi deputeti komshi, nuk gjetët një tjetër për firmë?

Pse i degradoni deri në këtë mas?

Nga seanca mund të na përjashtoni ju!

Nga grupi parlamentar mund të na përjashtoni ju, me ndihmën e " ortakut" që bën rolin e postjerit!

Por nga sheshet dhe nga fjala e lirë, jo nuk mundeni, aty do te jemi dhe pa u ndaluar deri në largimin tuaj!

Ne 11 Shkurt në orën 12 të gjithë në shesh!

Asnjë hap pas!./ CNA.al

Lajmet e fundit nga