web counter
LEXO PA REKLAMA!

SHKARKO APP

App Store
Google Play

E fundit!

x

Kandidon në zgjedhjet e 11 majit/ Mavriqi: Ky vendim është nisja e kontributit në politikë

5 Maj 2025, 16:33, Politikë CNA

Kandidon në zgjedhjet e 11 majit/ Mavriqi: Ky vendim është nisja

Kandidatja për Fierin e Partisë Mundësia, Frida Mavriqi ka ndarë qëndrimin e saj lidhur me kontributin e një kandidati në politikë, e veçanërisht e lidhur me emrat e rinj në garën për zgjedhjet parlamentare të 11 majit. Në një video të postuar në rrjetet sociale, Mavriqi ka shpeguar atë që sipas saj është premtimi i vetëm; që të jetë një së i fortë në Kuvendin e Shqipërisë.  

Në përgjigje ndaj një pyetje të bërë drejt saj në një event, Mavriqi shprehet se kontributi i saj në politikë fillon në këtë moment.

Sipas Mavriqit, vendimi i saj për të garuar në Qarkun e Fierit, është koha kur fillon për të rrugëtimi në politikë.

Mavriqi ndau edhe një reflektim shumë personal të lidhur me angazhimin e saj profesional.

“Një nga pyetjet më interesante gjatë POP - Perballja e Ofertave Politike ishte nga një djalë i ri i cili ishte edhe votues për herë të parë: “Çfarë kontributi keni dhënë ju kandidatët e rinj që ne duhet t’ju votëbesojmë?

Premtimi im i vetëm është që do të jem një zë i fortë në atë Parlament për gjithë Qarkun e Fierit. Për sa i përket kontributit tim personal. Ndoshta unë nuk kam ndonjë kontribut shumë thelbësor në shoqëri që të them që kam bërë këtë, edhe unë kam ndihmuar këtë apo nëpërmjet profesionit tim. Unë kam bërë një profesion si gazetare, si psikologe është zgjedhje ime si profesion dhe ndoshta nuk duhet ta shesim kështu sikur çfarë kemi bërë ne. Ne kemi bërë një profesion si gjithë të tjerët dhe ndodhta kontributi ynë nuk është ashtu siç duhet të ishte në fakt. Mendoj që ky është një reflektim. Po flas në emrin tim të paktën, për veten time. Por kontributi im në politikë nis tani dhe në shoqëri. Nis tani me vendimin që unë mora për të marrë pjesë aktive në politikë. Nis tani me vendimin që unë mora për të qenë një zë në Qarkun e Fierit.  Ky është kontributi im që unë do zotohem që do e nis prej hyrjes në atë parlament dhe deri kur ju të mos më besoni më. Lufta ime më e madhe është të bëj për vete votën e të rinjve dhe për të fituar besimin e tyre. Nëse nuk e fitoj është problemi im dhe duhet të punoj un më shumë”,-tha Mavriqi./CNA

 





Lajmet e fundit nga