web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i PS-së, sytë nga turizmi/ Saranda, pasaportë ndërkombëtare për gjithë Shqipërinë

3 Maj 2023, 18:36, Politikë CNA
Kandidati i PS-së, sytë nga turizmi/ Saranda, pasaportë
Kandidati i PS-së për Sarandën, Oltion Çaçi

Oltion Çaçi ka folur sot për kandidaturën e tij për bashkinë e Sarandës nën logon e PS-së. Çaçi tha se emri i tij i është propozuar kryeministrit Edi Rama nga drejtuesi politik i qarkut të Vlorës, Blendi Klosi.

“Nuk e kisha parë kurrë si sfidë timen, por në fakt duke qenë një aktor i rëndësishëm i turizmit ndërtoja në kokën time një model se si duhet të ishte një kryebashkiak që të ndihmonte turizmin. Dhe kur ma propozuan këtë sfidë mu duke vetja shumë familjare me të. Gati sikur e kisha menduar vetë, edhe pse ishte një propozim i diskutuar mes drejtuesit politik të Qarkut, Blendi Klosit dhe Kryeministrit Rama.

Dua të them që nuk më ngjalli as pasiguri as ndonjë surprizë. Jam shumë i familjarizuar me raportin mes një krye bashkiaku dhe operatori turizmi. Kam qenë deri më sot nga njëri krah tani do jem në krahun tjetër përball kolegëve të mij, duke pasur përparësinë që ua di çdo hall pa hapur gojën”, u shpreh ai për Temën.

Kandidati i PS-së tha se nëse do të fitojë zgjedhjet, punën e tij do ta nisë nga turizmi, pasi theksoi se turizmi në Sarandë është pasaportë ndërkombëtare për turizmin në Shqipëri.

“Ky qytet është simbol i turizmit shqiptar. Si të jetë Saranda do jetë e ardhmja e turizmit dhe nuk mund të dorëzohemi. Saranda është kryeqyteti i turizmit të huaj në Shqipëri, është vendi ku të huajt vijnë pa i ftuar dhe jetojnë në qytet më shumë se shqiptarët që e braktisin në dimër. Nga mënyra se si ne bëjmë turizëm në Sarandë reflektojmë se si mund të bëhet turizmi në Shqipëri. Turizmi në Sarandë është pasaportë ndërkombëtare për turizmin në Shqipëri. 

Dhe nuk është se jemi një shembull i shkëlqyer. Ka ende shumë probleme. Dy më kryesoret janë sezoni i shkurtër dhe infrastruktura e mangët e qytetit për të përballuar fluksin maksimal të turizmit. Të dyja janë prioritete urgjente. Zgjatja e sezonit është sfida ime personale. Ma lini mua këtë dhe më kërkoni llogari pas katër vitesh. Është një gjë që di ta bëj e kam provuar”, theksoi Çaçi./ CNA.al





Lajmet e fundit nga