web counter
LEXO PA REKLAMA!

SHKARKO APP

App Store
Google Play

E fundit!

x

“Ka gërryerje të demokracisë”/ Kajsiu: Jemi në sistemin e neo-feudalizimit politik

12 Qershor 2025, 21:35, Politikë CNA

“Ka gërryerje të demokracisë”/ Kajsiu: Jemi në

Politologu Blendi Kajsiu komentoi mbi zhvillimet më të fundit në vend, pas mbajtjes së zgjedhjeve parlamentare të 11 majit.

I ftuar në një emision televiziv, Kajsiu u shpreh se bazuar në analizën e tij, vendi ndodhet në një sistem të ri qeverisës, që e përcaktoi si neo-feudalizim politik.

Kajsiu tha se ka një gërryerje të demokracisë dhe mungon hapësira publike.

“Debati ynë nuk është kaq shumë për llojin e regjimit, sesa një debat për zgjedhjet. Mendoj se nuk e kemi të qartë se në çfarë regjimi jemi, sepse është një sistem i ri. Ne këto fenomene i shohim edhe në vende demokratike si SHBA. Ka krizë të demokracisë në nivel global. 
Mendoj se koncepti i diktaturës, e përshkruan në mënyrë të pjesshme. Unë po përpiqem të mendoj sistemin si neo-feudalizim politik. Fragmentizim i sferës politike, ku secili është Zot në feudin e tij. Rama është Zot në feudin e tij, në PS merr përmasat e një monarkie. Berisha është në feudin e tij, nuk ka të bëjë me demokracinë dhe të drejtat e njeriut. Njëlloj si Trumpizmi që funksionon si monarki dhe jo demokraci. Pra sistem ku secili ka feudin e vet, përfshirë pronarin e mediave. Në këtë aspekt, kemi gërryerje të demokracisë. Demokracia pa një hapësirë publike. Secili ka realitetin e vet. Faktet e njërit thonë jemi në masakër, faktet e tjetrit që kemi zgjedhje. Secili vendos normat e veta, nga feudali kryeministri dhe me rradhë. Jemi në neo-feudalizëm politik. Edhe mediat nuk flasin në emër të interesit publik. Media-politikë apo edhe krimi i organizuar”,-tha Kajsiu./CNA





Lajmet e fundit nga