web counter
LEXO PA REKLAMA!

SHKARKO APP

App Store
Google Play

“Ka edhe socialistë të zhgënjyer”/ Hasimja: Të bëhemi bashkë për Shqipërinë e të ndershmëve

20 Shkurt 2026, 19:02, Politikë CNA

“Ka edhe socialistë të zhgënjyer”/ Hasimja: Të

Politologu Ermal Hasimja iu bashkua këtë të premte protestës së opozitës para Kryeministrisë.

Në fjalën e tij para qytetarëve të mbledhur në shesh, Hasimja u ndal fillimisht te konteksti historik i 20 shkurtit për shqiptarët.

Më tej, Hasimja theksoi rolin e bashkimit të qytetarëve, që udhëhiqen nga shpresa për një Shqipëri më të mirë për veten dhe brezat e rinj, teksa nuk la pa përmendur edhe socialistët e zhgënjyer nga PS-ja.

“Mbi tre dekada më parë, te ky kalimi kam qenë bashkë me tim atë, duke parë autobotët me bojën e kuqe. Kishim frikë, por më shumë kishim shpresë. Nuk e dinim a ishin të djathtë apo të majtë, nga fshati apo qyteti, të krishterë apo myslimanë, me fillore apo me universitet. Një gjë e dinim, donim të gjithë të njëjtën gjë. Ajo që na mbante bashkë ishte shpresa, që gjatë të gjithë këtyre viteve janë përpjekur të na e venisin. Atë bashkim të asaj dite nuk e ndal dot asgjë. Sot kemi nevojë më shumë se kurrë pikërisht atë frymë mashtrimi sepse duam një drejtësi të pavarur, që të na mbrojë nga të pandershmit se duam zgjedhje të lira e të ndershme, ku të vendosim vetë se kush do të na qeverisë. Shpresa nuk vjen nga qielli, as përtej detit. Ejani dhe krijojebni shpresën në këtë shesh, jo veteëm për të dënuar qeverinë që nuk e doni, por edhe për t’i treguar çdo partie që do të vijë që nuk mund të abuzojnë me vullnetin tuaj. Ka shpresë sepse shumica e shqiptarëve duan ta ndërtojnë jetën me djersën e ballit dhe jo me taksat e të tjerëve. Ka edhe socialistë që ndjehen të zhgënjyer e të përdorur nga partia e tyre. Të rinjtë tanë sot nuk ndryshojnë farë nga të rinjtë europianë dhe shqitparët janë të suksesshëm kudo. Ky vend është bekuar nga Zoti. Prandaj le të bëhemi bashkë, si tre dekada më parë dhe të ndërtojmë një Shqipëri me njerëz të ndershëm”,-tha Hasimja./CNA





Lajmet e fundit nga