web counter
LEXO PA REKLAMA!

SHKARKO APP

App Store
Google Play

Sot protesta/ Këlliçi: Jo shtatore të krimit e korrupsionit, jo Bllokmenë të rinj në Tiranë

20 Shkurt 2026, 10:43, Politikë CNA

Sot protesta/ Këlliçi: Jo shtatore të krimit e korrupsionit, jo

Deputeti i Partisë Demokratike, Belind Këlliçi, ka bërë një reagim në rrjetet e tij sociale lidhur me protestën që do të mbahet pasditen e sotme para Kryeministrisë.

Këlliçi shkruan se para 35 vitesh qytetarët e Tiranës rrëzuan statujën e ish-diktatorit Enver Hoxha, ndërsa shton se ajo kohë është e ngjashme me të sotmen.

Deputeti shprehet se qytetarët sot kanë të njëjtën “detyrë kombëtare”, të ndalin ata që sipas tij kërkojnë të jenë të paprekshëm me ligj.

Reagimi i plotë:

Jo shtatore të krimit e korrupsionit, jo Bllokmenë të rinj në Tiranë!

Si sot, 35 vite më parë, studentët, të rinjtë, intelektualët, punëtorët, banorët e Tiranës rrëzuan statujën e Enver Hoxhës, duke hedhur në tokë regjimin 45 vjeçar. Duhej shumë kurajo, sepse trupat famëkeqe të regjimit me armë e skafandra nuk kursenin askënd. Por Tirana ja doli, hoqi pengesën e fundit drejt lirisë.

Ka shumë ngjashmëri, 35 vite më pas. Dhe atëherë, nga fundi i janarit u miratua një ligj që siguronte paprekshmërinë e statujave të regjimit e të diktatorit. Kërkohej me çdo kusht të ruhej Blloku e privilegjet.

Edhe sot, po bëhet gati një ligj që kërkon paprekshmëri për bllokmenët e rinj, për Edi Ramën me të tijtë. Statuja e re, është kopshti i Edenit që Edi Rama ka ngritur në Kryeministri me 4 milionë euro nga taksat e shqiptarëve.

Statuja e re është vera 33 mijë euro shishja që ai konsumon.

Statuja e re është avioni privat që përdor. Janë biletat e shtrenja në stadiume. Janë fundjavat luksoze për detoks.

Statuja e re e autokratit të ri, janë tenderat qindra milionë euroshe që ndahen sipas interesit. Statujat e reja janë masivet e betonit me para droge e korrupsioni që kanë mbirë ngado.

35 vite më pas, qytetarët, studentët, të rinjtë, banorët e Tiranës janë të thirrur nën të njëjtin urdhër historik, e detyrë kombëtare.

Të mos lejojmë shtatoren e re të krimit e korrupsionit të zërë qiellin tonë, të mos lejojmë Bllokun e ri që kërkon me ligj të ketë paprekshmëri e privilegje.

Nuk i japim ato që u fituan me shumë mundim nga brezi i prindërve tanë.

Bashkohemi sot në orën 18:00, në Bulevard, me energji, me vendosmëri, me pasion e dashuri për Shqipërinë. /CNA





Lajmet e fundit nga